23. janúar 2012
U19 kvennalandslið Íslands mun leika þrjá vináttulandsleiki á La Manga dagana 4. - 8. mars. Fyrstu mótherjarnir verða Skotar og á eftir koma leikir gegn Noregi og Englandi. Ekki er um eiginlegt mót að ræða ekki verður leikið um sæti en 10 þjóðir verða á La Manga á þessum tíma og leika allar þrjá leiki.
18. janúar 2012
Leyfisstjórn hefur móttekið leyfisgögn allra leyfisumsækjendanna 24 sem leika í efstu tveimur deildum karla. Lokaskiladagur var mánudagurinn 16. janúar og voru öll félögin innan tímamarka. Víkingur Ólafsvík skilaði líka fjárhagslegum gögnum.
18. janúar 2012
Karlalandslið Íslands er í 104. sæti styrkleikalista FIFA sem gefinn var út í morgun. Þetta er sama sæti og á síðasta lista. Litlar breytingar eru á milli lista en sem fyrr eru Spánverjar á toppnum.
17. janúar 2012
Gunnar Guðmundsson, landsliðsþjálfari U17 karla, hefur valið tvo hópa til úrtaksæfinga um komandi helgi. Æft verður í Kórnum og í Egilshöllinni en vakin er athygli á því að þolmæling verður á föstudagskvöldið.
17. janúar 2012
Þorlákur Árnason, landsliðsþjálfari U17 kvenna, hefur valið eftirtalda leikmenn á úrtökuæfingar U17 kvenna sem fram fara í Boganum, Akureyri, 25. janúar kl. 16:30. Leikmennirnir koma frá félagsliðum af Norðurlandi.
17. janúar 2012
Landsliðsþjálfarar kvenna vilja bjóða þjálfurum í Pepsi-deild kvenna, 1. deild kvenna, 2. flokk kvenna og 3. flokk kvenna til fundar laugardaginn 28. janúar í höfuðstöðvum KSÍ. Farið verður yfir dagskrá landsliðanna á þessu ári, samstarf við félagsliðin og þjálfurum gefst tækifæri til að spjalla saman um málefni sem snúa að landsliðunum og/eða félagsliðunum.
17. janúar 2012
Námskeiðið er haldið af KSÍ í samvinnu við ÍA á Jaðarsbökkum fimmtudaginn 26. janúar og hefst kl. 17:00. Námskeiðið stendur í um tvær og hálfa klukkustund.
17. janúar 2012
Framboð til stjórnar KSÍ skal skv. 15. grein laga KSÍ berast skrifstofu KSÍ skriflega minnst hálfum mánuði fyrir þing eða 28. janúar nk. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.
16. janúar 2012
Síðastliðinn fimmtudag var endurskoðendum félaga sem undirgangast leyfiskerfið boðið til fundar í höfuðstöðvum KSÍ. Með þessum fundi er reynt að kynna leyfiskerfið betur, beint til endurskoðenda, og ná þannig betra samræmi, fækka athugasemdum sem gerðar eru, og gera allt ferlið öruggara fyrir alla hagsmunaaðila.
16. janúar 2012
Námskeiðið er haldið af KSÍ í samvinnu við Breiðablik í Smáranum þriðjudaginn 24. janúar og hefst kl. 19:30. Námskeiðið stendur í um tvær og hálfa klukkustund.
14. janúar 2012
FH, Stjarnan, KR, ÍBV, ÍR, Þór og Fram hafa skilað leyfisgögnum sínum í vikunni og þar með hafa 16 af þeim 24 félögum (Pepsi-deild karla og 1. deild karla) sem undirgangast leyfiskerfið skilað sínum gögnum. Skilafrestur er til mánudagsins 16. janúar.
14. janúar 2012
Eins og kynnt hefur verið valdi Lars Lagerbäck, þjálfari A landsliðs karla, tæplega 30 manna hóp sem var kallaður saman til æfinga hér á landi. Þessi hópur hefur æft og fundað stíft síðustu daga. Lars hefur farið ítarlega yfir sínar hugmyndir með leikmönnum og sýnt þær í verki á æfingum.
12. janúar 2012
Framkvæmdanefnd um jafnréttisáætlun óskar eftir tilnefningum fyrir jafnréttisviðurkenningu KSÍ árið 2011. Ítrekað er að þessi verðlaun tengjast ekki eingöngu jafnrétti kynjanna heldur jafnrétti í víðasta skilningi.
12. janúar 2012
Í kvöld er fyrsta æfingin hjá æfingahóp A karla en þessari æfingahrinu lýkur með æfingaleik á laugardaginn í Kórnum. Gunnleifi Gunnleifssyni hefur verið bætt inn í æfingahópinn en þeir Sölvi Geir Ottesen og Birkir Bjarnason verða ekki með að þessu sinni.
12. janúar 2012
Landsliðsþjálfari karla í knattspyrnu, Lars Lagerbäck, fundaði í gær með þjálfurum og aðstoðarþjálfurum í efstu tveimur deildum karla í knattspyrnu. Fundurinn var mjög vel sóttur en á honum fór Lars yfir sitt starf og sínar áherslur varðandi þjálfun landsliðsins.
11. janúar 2012
Námskeiðið er haldið af KSÍ í samvinnu við Keflavík í Íþróttahúsinu við Sunnubraut í Keflavík mánudaginn 16. janúar og hefst kl. 17:30. Námskeiðið stendur í um tvær og hálfa klukkustund.
11. janúar 2012
Ólafur Þór Guðbjörnsson, landsliðsþjálfari U19 kvenna, hefur valið leikmannahóp fyrir æfingar um komandi helgi. Æft verður tvisvar sinnum í Kórnum og hefur Ólafur valið 21 leikmann fyrir þessar æfingar.
11. janúar 2012
Námskeiðið er haldið af KSÍ í samvinnu við Boltafélag Ísafjarðar í fyrirlestrarsal Menntaskólans á Ísafirði miðvikudaginn 18. janúar og hefst kl. 18:00. Námskeiðið stendur í um tvær og hálfa klukkustund.