2. júlí 2008
Nú er lokið úrslitakeppni EM 2008 með glæsilegum og verðskulduðum sigri landsliðs Spánar. Liðið lék vel alla keppnina og ávallt til sigurs. En það er ekki bara sigur Spánverja sem lifir í minningunni því þessi úrslitakeppni bauð upp á svo marga skemmtilega leiki að rétt er að tala um knattspyrnuveislu af bestu gerð.
2. júlí 2008
Norðurlandamóti U16 var áframhaldið í gærkvöldi og voru fjórir leikir á dagskránni. Ísland mætti Noregi í Þorlákshöfn og fóru Norðmenn þar með sigur af hólmi í miklum markaleik, 6-2.
1. júlí 2008
Ísland leikur í dag annan leik sinn á Opna Norðurlandamótinu í knattspyrnu á Þorlákshafnarvelli og hefst leikurinn kl. 16:00, leikið er gegn Noregi sem tapaði 7-0 gegn Þjóðverjum í fyrsta leik sínum.
1. júlí 2008
Lúka Kostic, landsliðsþjálfari U17 karla, hefur valið landsliðshóp fyrir úrtaksæfingar sem fara fram um komandi helgi. Æft verður tvisvar á Tungubökkum um helgina og hefur Lúka valið 27 leikmenn til þessara æfinga.
30. júní 2008
Opna Norðurlandamótið hjá U16 kvenna hófst í dag og voru fjórir leikir á dagskránni. Íslensku stelpurnar töpuðu, 0-1, gegn Dönum á Selfossi í hörkuleik en þær mæta Norðmönnum í Þorlákshöfn á morgun, þriðjudaginn 1. júlí.
30. júní 2008
Opna Norðurlandamótið hjá U16 kvenna hefst í dag og fer mótið fram hér á landi. A riðill, þar sem Ísland leikur, fer fram á Suðurlandi en B riðill er leikinn á Suðurnesjum. Á Selfossi taka Íslendingar á móti Dönum og hefst leikurinn kl. 16:00.
27. júní 2008
Nú er nýlokið tveimur leikjum hjá A-landsliði kvenna í knattspyrnu og afar mikilvægir sigrar unnust í þeim báðum. Liðið lék frábærlega og hefur færst enn nær því markmiði að leika í lokakeppni Evrópumótsins sem fram fer í Finnlandi á næsta ári.
27. júní 2008
Laugardaginn 27. september leikur íslenska kvennalandsliðið lokaleik sinn í undankeppni fyrir EM 2009. Leikurinn er einn sá mikilvægasti sem íslenskt landslið hefur leikið en jafntefli tryggir liðinu sæti í úrslitakeppni EM í Finnlandi 2009.
26. júní 2008
Íslenska kvennalandsliðið bætti enn einni rósinni í hnappagatið er þær lögðu Grikki á Laugardalsvelli í dag. Lokatölur urðu 7 - 0 íslenska liðinu í vil og skoraði Hólmfríður Magnúsdóttir þrennu í leiknum. Íslandi dugir jafntefli í síðasta leik sínum í Frakklandi 27. september til þess að tryggja sér sæti í lokakeppni EM 2009.
26. júní 2008
Það styttist í leik Íslands og Grikklands sem hefst á Laugardalsvelli kl. 16:30. Allt er klárt í búningklefa íslenska liðsins og vallarstarfsmenn að leggja lokahönd á að völlurinn verði tilbúinn.
26. júní 2008
Það ætti ekki að fara framhjá neinum að í dag leikur íslenska kvennalandsliðið sinn síðasta heimaleik í undankeppni fyrir EM 2009. Hér að neðan má sjá myndbönd sem að þjálfarinn, Sigurður Ragnar Eyjólfsson, hefur notað í sínum undirbúningi.
26. júní 2008
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt fyrir leikinn mikilvæga gegn Grikkjum. Leikurinn hefst kl. 16:30 í dag á Laugardalsvelli og hefst miðasala á leikstað kl. 15:30.
25. júní 2008
Dómari leiks Íslands og Grikklands í undankeppni EM kvenna kemur frá Þýskalandi. Hún heitir Anja Kunick og henni til aðstoðar verða löndur hennar, Moiken Jung og Marina Wozniak.
25. júní 2008
Síðasta sunnudag var knattspyrnuæfing fatlaðra á sparkvellinum við Laugarnesskóla en æfingin er liður í samstarfsverkefni KSÍ og ÍF. Landsliðskonurnar Ásta Árnadóttir og Rakel Hönnudóttir voru sérstakir gestir.
25. júní 2008
Handhafar A passa KSÍ þurfa ekki að nálgast miða fyrir leikinn gegn Grikklandi í undankeppni EM kvenna sem fram fer fimmtudaginn 26. júní kl. 16:30. Nóg er að sýna passana við innganginn á Laugardalsvelli.
25. júní 2008
Gunnar Ólason og Sigurjón Brink munu halda uppi fjörinu með gítarleik og söng í hálfleik á viðureign Íslands og Grikklands á Laugardalsvelli á fimmtudag. Þeir félagar eru magnað tvíeyki með mikla reynslu úr tónlistarbransanum.
25. júní 2008
Sigurður Ragnar Eyjólfsson, landsliðsþjálfari, hefur tilkynnt leikmannahóp sinn er mætir Grikkjum í undakeppni EM kvenna 2009. Ein breyting er á hópnum frá því í síðasta leik, Dóra Stefánsdóttir kemur inn í hópinn í stað Pálu Marie Einarsdóttur.
25. júní 2008
Síðustu daga hefur knattspyrnuskóli KSÍ verið starfræktur á Laugarvatni. Dagana 9. - 13. júní voru það stúlkurnar sem voru við æfingar á Laugarvatni og drengirnir á sama stað, 16. - 20. júní.