26. febrúar 2007
Magnús Agnar Magnússon stóðst í september síðastliðnum, umboðsmannapróf KSÍ og hefur hafið störf sem slíkur. Bætist hann því á lista þeirra er starfa sem KSÍ umboðsmenn.
26. febrúar 2007
Sigurður Ragnar Eyjólfsson, landsliðsþjálfari, hefur tilkynnt hópinn sem tekur þátt á Algarve Cup 2007. Sigurður Ragnar velur 20 leikmenn í þetta verkefni en hópurinn heldur utan 5. mars og leikur fjóra leiki.
23. febrúar 2007
Lúðvík S. Georgsson, formaður leyfisráðs KSÍ, sótti á dögunum vinnufund hjá UEFA, þar sem fjallað var um leyfisveitingaferlið í ýmsum löndum í Evrópu, Vinnufundurinn var sérhannaður fyrir formenn leyfisnefnda í aðildarlöndum UEFA.
22. febrúar 2007
Smellið hér að neðan til að skoða þinggerð 61. ársþings Knattspyrnusambands Íslands, sem haldið var á Hótel Loftleiðum 10. febrúar síðastliðinn. Sambandsaðilum er bent á að kynna sér vel þinggerðina
21. febrúar 2007
Æfingar eru fyrirhugaðar hjá U17 kvenna um helgina og hefur Kristrún Lilja Daðadóttir, landsliðsþjálfari, valið 25 leikmenn til þessara æfinga. U17 kvenna tekur þátt í riðlakeppni fyrir EM síðar á þessu ári, þeirri fyrstu í þessum aldursflokki.
20. febrúar 2007
Undirbúningur U19 kvenna fyrir úrslitakeppni EM, sem haldin er hér á landi í júlí, er í fullum gangi og hefur Ólafur Þór Guðbjörnsson, landsliðsþjálfari U19 kvenna, valið hóp til æfinga um helgina.
20. febrúar 2007
Sigurður Ragnar Eyjólfsson, landsliðsþjálfari, hefur valið 25 leikmenn á landsliðsæfingar A landsliðs kvenna sem fram fara helgina 24. - 25. febrúar. Æft verður tvisvar um helgina.
20. febrúar 2007
Í dag var í fyrsta skiptið úthlutað úr Afrekskvennasjóði Glitnis og ÍSÍ. KSÍ fær eina milljón króna vegna undirbúnings og þátttöku kvennalandsliðsins í undankeppni Evrópumóts kvenna í knattspyrnu sem fram fer í Finnlandi 2009.
19. febrúar 2007
Dregið var í dag í riðlakeppni fyrir EM 2008 hjá U19 kvenna í dag. Ísland lenti í 1. riðli með Portúgal, Grikklandi og Rúmeníu og verður riðillinn leikinn í Portúgal 27. september til 2. október.
19. febrúar 2007
Í dag var dregið í riðlakeppni fyrir EM hjá U17 kvenna en þetta er í fyrsta skiptið sem keppnin er haldin í þessum aldursflokki. Ísland er í fjórða riðli og leika gegn Úkraínu, Slóveniu og Lettlandi.
16. febrúar 2007
Ný stjórn KSÍ hélt sinn fyrsta fund í dag á skrifstofu KSÍ. Á fundinum var skipað í embætti innan stjórnar sem og skipað í fastanefndir KSÍ. Guðrún Inga Sívertsen verður nýr gjaldkeri KSÍ.
16. febrúar 2007
Úrtakshópar KSÍ karla og kvenna munu leika fjóra vináttuleiki gegn úrvalsliðum Møre og Romsdal fylkis í Noregi í næstu viku. Freyr Sverrisson og Kristrún Lilja Daðadóttir hafa hvort um sig valið tvo úrtakshópa til að leika sitt hvorn leikinn.
15. febrúar 2007
Leyfiskerfi KSÍ hefur nú verið innbyggt í ný lög sambandsins, sem samþykkt voru á ársþingi KSÍ 2007. Jafnframt var ný leyfishandbók staðfest með þessari samþykkt. Einnig var kosið í leyfisráð og leyfisdóm til næstu tveggja ára.
15. febrúar 2007
Málþingið er hluti stefnumótunarvinnu fyrir meistaraflokk og 2. flokk kvenna í knattspyrnu hjá FH. Það er haldið af unglingaráði og meistaraflokksráði kvenna. Málþingið er öllum opið og hefst kl. 10:00, laugardaginn 17. febrúar.
15. febrúar 2007
Mánudaginn 19. febrúar næstkomandi verður dregið í riðlakeppni Evrópukeppni U17 og U19 kvenna. Dregið verður í Nyon í Sviss. Þetta er í fyrsta skiptið sem Evrópukeppni U17 kvenna fer fram.
14. febrúar 2007
Nýr FIFA styrkleikalisti karla var birtur í dag og er Ísland í 95. sæti listans. Eftir að hafa verið á toppi listans í 55 mánuði samfleytt, detta Brasilíumenn niður í annað sætið. Heimsmeistarar Ítala smella sér á toppinn í fyrsta sinn síðan 1993.
13. febrúar 2007
Sigurður Ragnar Eyjólfsson, landsliðsþjálfari kvenna í knattspyrnu, hefur valið leikmenn til æfinga. Æft verður helgina 17. og 18. febrúar og fara æfingarnar fram í Akraneshöllinni og Eglishöllinni.
13. febrúar 2007
Í dag var dregið í riðla fyrir riðlakeppni EM U21 karla 2007-2009. Úrslitakeppnin fer fram í Svíþjóð og af því tilefni var dregið í Stokkhólmi. Ísland var í þriðja styrkleikaflokki og lenti í riðli með Belgíu, Slóvakíu, Austurríki og Kýpur.