12. febrúar 2007
Á ársþingi KSÍ var Eggert Magnússon kjörinn heiðursformaður sambandsins. Heiðursformaður á rétt til setu og hefur málfrelsi á stjórnarfundum KSÍ. Heiðursformenn KSÍ eru nú 2, þeir Eggert Magnússon og Ellert B Schram.
10. febrúar 2007
61. ársþing KSÍ var haldið á Hótel Loftleiðum í dag. Geir Þorsteinsson var kjörinn formaður KSÍ og er sá áttundi sem að gegnir því embætti. Eggert Magnússon lét af formennsku KSÍ eftir rúm 17 ár í formannsembætti. Þrír nýir aðilar voru kjörnir í stjórn KSÍ.
10. febrúar 2007
Eggert Magnússon ávarpaði 61. ársþing KSÍ í morgun, í síðasta sinn sem formaður KSÍ. Eggert fór m.a. yfir þær breytingar sem orðið hafa í starfinu og stöðu mála í knattspyrnunni í dag.
10. febrúar 2007
Eggert Magnússon, fráfarandi formaður KSÍ, afhenti forsvarsmönnum netmiðilsins fotbolta.net viðurkenningu fyrir þeirra framlag til knattspyrnunar á Íslandi. Vefsíðan hefur fjallað myndarlega um íslenska knattspyrnu á undanförnum árum.
10. febrúar 2007
Valur fékk afhenta Drago-styttuna svokölluðu í Landsbankadeild karla 2006 og HK fékk styttuna afhenta í 1. deild karla. Drago stytturnar hljóta þau lið í efstu tveimur deildum karla, sem sýna prúðmannlegastan leik.
10. febrúar 2007
Fjölnir hlaut kvennabikarinn fyrir árið 2006 og var hann afhentur á ársþingi KSÍ. Ásgeir Heimir Guðmundsson formaður knattspyrnudeildar Fjölnis tók við bikarnum fyrir hönd félagsins úr hendi formanns KSÍ.
10. febrúar 2007
61. ársþing KSÍ var sett, stundvíslega kl. 10:00, í morgun á Hótel Loftleiðum. Fylgst verður með framvindu þingsins hér á síðunni en meðal annars eru framundan kosningar um formann og stjórn sem og afgreiðsla tillagna.
9. febrúar 2007
Knattspyrnudeild HK óskar eftir því að ráða þjálfara til að taka við 7. flokki drengja og hann þarf að geta hafið störf sem allra fyrst. Í 7. flokki eru drengir fæddir 1999 og 2000, og eru 7 og 8 ára á þessu ári.
9. febrúar 2007
Laugardaginn 10. febrúar, kl 10:00, verður 61. ársþing KSÍ sett á Hótel Loftleiðum. Fylgst verður með framvindu þingsins, afgreiðslu tillagna, kosningum og annarra mála, hér á heimasíðunni.
8. febrúar 2007
Á fundi aganefndar í dag, 7. febrúar 2007, var Guðmundur Magnússon, Fram, úrskurðaður í tímabundið leikbann til 4 mánaða vegna atviks í leik Víkings og Fram í 2. flokki karla 4. febrúar. 
7. febrúar 2007
Þriðjudaginn 13. febrúar verður dregið í riðla fyrir EM 2007-2009 hjá U21 karla en úrslitakeppnin fer fram í Svíþjóð. Ísland er í þriðja styrkleikaflokki en alls verða 51 þjóð í pottinum.
6. febrúar 2007
Um helgina fara fram fjölmargar úrtaksæfingar hjá yngri landsliðum karla. Um er að ræða U16, U17 og U19 karla sem verða á ferðinni um helgina. Alls hafa 146 leikmenn verið boðaðir á þessar æfingar.
5. febrúar 2007
Laugardaginn 10. febrúar næstkomandi fer fram 61. ársþing KSÍ á Hótel Loftleiðum í Reykjavík. Alls hafa 123 fulltrúar rétt til setu á þinginu, en nú þegar hefur kjörbréfum verið skilað fyrir 116 fulltrúa.
5. febrúar 2007
Á ársþingi KSÍ, sem haldið verður á Hótel Loftleiðum 10. febrúar næstkomandi. Þrír frambjóðendur eru um stöðu formanns KSÍ, sjö framboð um fjögur sæti í aðalstjórn og fjögur framboð um þrjú sæti í varastjórn.
2. febrúar 2007
Í dag gerði KSÍ samning við Knattspyrnusamband Kanada um að þjóðirnar leiki vináttulandsleik á Laugardalsvelli 22. ágúst næstkomandi. Þetta er í fyrsta skiptið sem þjóðrnar mætast í landsleik í knattspyrnu.
2. febrúar 2007
Knattspyrnusamband Íslands birtir nú ársreikning sinn fyrir árið 2006. Heildartekjur KSÍ samstæðunnar voru 516,5 milljónir kr. og heildargjöld voru 417,2 milljónir kr. Hagnaður varð því 99,3 milljónir kr.
30. janúar 2007
Úrtaksæfing fyrir U16/U17 landslið karla fer fram í Fjarðabyggð sunnudaginn 4. febrúar næstkomandi. Á æfinguna hafa verið boðaðir vel á þriðja tug leikmanna frá félögum á Austurlandi.
29. janúar 2007
Úrtaksæfingar fyrir U16 landslið karla fara fram í Boganum á Akureyri laugardaginn 3. febrúar. Alls hafa tæplega 30 leikmenn verið boðaðir á æfingarnar, frá félögum á Norðurlandi.