19. október 2006
Samninga- og félagaskiptanefnd hefur kveðið upp úrskurð í máli ÍA gegn leikmanninum Hafþóri Ægi Vilhjálmssyni.  ÍA krafðist þess að viðauki við samning leikmannsins yrði metinn ógildur, en Hafþór Ægir taldi viðaukann í fullu gildi.
19. október 2006
Tindastóll á Sauðárkróki óskar eftir þjálfara fyrir m.fl. karla. Einnig er möguleiki á þjálfun fleiri flokka. Spilandi þjálfari kemur til greina.
19. október 2006
Fyrir nokkru gaf KSÍ út bækling með leiðbeiningum og tilmælum til foreldra barna er stunda æfingar og keppni. Bæklingurinn er hugsaður sem fræðsluefni sem hægt er að nota á foreldrafundum.
19. október 2006
Knattspyrnufélagið FRAM leitar að þjálfara fyrir 6. flokk kvenna í Grafarholti. Viðkomandi þarf að vera áhugasamur og með réttindi til þjálfunar, og vera tilbúinn til að taka þátt í skemmtilegu uppbyggingarstarfi í Grafarholti.
18. október 2006
Íslenska karlalandsliðið fellur um átta sæti á nýjum styrkleikalista FIFA er birtur var í dag. Ísland er í 95. sæti listans sem er leiddur, sem fyrr, af Brasilíumönnum. Heimsmeistarar Ítala eru í öðru sæti.
16. október 2006
Fjölnir leitar eftir metnaðarfullum þjálfara fyrir meistaraflokk kvenna sem spilar í Landsbankadeildinni næsta tímabil. Umsóknir óskast sendar á netfangið fjolnir@fjolnir.is.
13. október 2006
KSÍ heldur 1.stigs þjálfaranámskeið helgina 13.-15. október. Hér á eftir má sjá mikilvægar upplýsingar sem tengjast námskeiðinu sem og dagskrá námskeiðsins.
11. október 2006
Íslenska karlalandsliðið U19 mætir Færeyingum í dag í lokaleik liðanna í riðlakeppni fyrir EM. Leikið er í Svíþjóð og hefst leikurinn kl. 13:00. Guðni Kjartansson hefur tilkynnt byrjunarlið sitt.
11. október 2006
Íslenska U19 karlalandsliðið sigraði Færeyinga í dag með þremur mörkum gegn einu. Leikurinn var lokaleikur liðanna í riðlinum og enduðu þrjú lið með 6 stig en íslenska liðið lenti í þriðja sæti þegar innbyrðisviðureignir eru reiknaðar.
11. október 2006
Íslendingar töpuðu fyrir Svíum í kvöld með einu marki gegn tveimur. Leikurinn var fjörgur og voru Íslendingar síst lakari aðilinn. Arnar Þór Viðarsson skoraði mark Íslendinga á 7. mínútu með þrumuskoti.
11. október 2006
Eyjólfur Sverrisson landsliðsþjálfari hefur tilkynnt byrjunarlið sitt er mætir Svíum í kvöld kl. 18:05. Eyjólfur stillir upp leikaðferðinni 4-4-2 í þessum leik og verður spennandi að sjá strákana taka á móti efsta liði riðilsins.
11. október 2006
HK leitar að þjálfara fyrir 6. flokk kvenna, sem getur tekið til starfa strax. Viðkomandi þarf að vera metnaðarfullur og með réttindi til þjálfunar, og tilbúinn til að taka þátt í skemmtilegu uppbyggingarstarfi við góðar aðstæður.
10. október 2006
Eyjólfur Sverrisson hefur valið Keflvíkinginn Jónas Guðna Sævarsson og FH-inginn Ásgeir Gunnar Ásgeirsson í landsliðshópinn fyrir leikinn gegn Svíum í stað Veigars Páls Gunnarssonar og Helga Vals Daníelssonar.
10. október 2006
Fleiri skörð hafa verið höggvin í landsliðshópinn sem mætir Svíum í undankeppni EM 2008 á Laugardalsvelli á miðvikudag. Veigar Páll Gunnarsson og Helgi Valur Daníelsson verða ekki með vegna meiðsla og veikinda.
10. október 2006
Miðasala á leik Íslands og Svíþjóðar í riðlakeppni fyrir EM 2008 er í fullum gangi. Leikurinn fer fram á Laugardalsvelli miðvikudaginn 11. október og hefst kl. 18:05. Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is. Einnig er hægt að kaupa miða í verslunum Skífunnar og verslunum BT-tölva á landsbyggðinni.
9. október 2006
Brynjar Björn Gunnarsson verður í leikbanni gegn Svíum á miðvikudag og Kári Árnason getur ekki verið með vegna meiðsla. Varnarmaðurinn Ólafur Örn Bjarnason hefur verið valinn í hópinn í þeirra stað.
8. október 2006
U19 landslið karla tapaði í dag 0-2 gegn Svíum í undankeppni EM. Svíar, sem leika á heimavelli, skoruðu fyrra markið á 15. mínútu og það síðara á þeirri 48. Á sama tíma unnu Pólverjar Færeyinga 2-1.
8. október 2006
A landslið kvenna mætti í dag liði Bandaríkjanna í vináttuleik í Richmond í Virginíufylki í Bandaríkjunum. Íslenska liðið átti í vök að verjast allan leikinn en var mjög nálægt því að ná jafntefli gegn gríðarsterku liði heimamanna.