Mjólkurbikar kvenna hefst á laugardag
Keppni í Mjólkurbikar kvenna hefst á laugardag með tveimur leikjum. Dalvík/Reynir tekur á móti Einherja og Haukar taka á móti ÍR.
Fimm leikir fara fram á sunnudaginn, þrír leikir á mánudaginn og 1. umferð lýkur svo á þriðjudaginn þegar HK tekur á móti Gróttu.
Önnur umferð verður spiluð 30. apríl og 1. maí. Liðin í Bestu-deildinni koma inn í keppnina í 16-liða úrslitum sem verða spiluð 18. og 19. maí.
Úrslitaleikurinn fer fram á Laugardalsvelli þann 16. ágúst.
