KSÍ og íþróttafræði HR auglýsa kostaða meistaranámsstöðu
KSÍ og íþróttafræði HR auglýsa kostaða meistaranámsstöðu, líkamlegar mælingar í knattspyrnu.
Umsóknarfrestur er til 19. maí 2024
Laus er til umsóknar námsstaða í meistaranámi í íþróttavísindum og þjálfun (MSc) við íþróttafræðideild Háskólans í Reykjavík. Staðan eru kostuð af Háskólanum í Reykjavík (HR) og Knattspyrnusambandi Íslands (KSÍ) og mun nemandi ekki greiða skólagjöld meðan á námstíma stendur. Umsóknarfrestur er til 19. maí og mun nemandi hefja nám strax á haustönn, samkæmt skóladagatali. Skuldbindingar nemanda eru eftirfarandi:
- Nemandi skuldbindur sig til að gera meistaraverkefni sem tengist mælingum á líkamlegri getu íslenskra knattspyrnuiðkenda. Nemandi skrifar lokaritgerð í nánu samstarfi við knattspyrnu-, og vísindasvið KSÍ og leiðbeinanda frá HR. Nemandi skuldbindur sig jafnframt til þess að kynna niðurstöður meistaraverkefnisins samkvæmt óskum KSÍ.
- Nemandi skuldbindur sig til þess að sjá um mælingar á knattspyrnufólki undir handleiðslu knattspyrnu-, og vísindasviðs KSÍ og kennara íþróttafræðisviðs HR á meðan námstíma stendur.
- KSÍ getur óskað eftir því að nemandi sjái um ráðgjöf er varðar líkamlega þjálfun. Slík ráðgjöf yrði alltaf í nánu samstarfi við þjálfarateymi og undir handleiðslu kennara íþróttafræðideildar HR.
- Nemandi leitast eftir því að vinna eins mörg verkefni á námstíma og mögulegt er í tengslum við knattspyrnu og veita KSÍ aðgang að verkefnum sínum. Dæmi um slíkt væri að gera frammistöðugreiningu á A-landsliðiðkvenna í námskeiðinu Frammistöðugreining í íþróttum. Þá er nemandi skuldbundinn til að ljúka 10 ECTS eininga verknámi hjá KSÍ sem hluta af námi sínu.
- Nemandi skuldbindur sig til að halda eðlilegri námsframvindu og mæta samviskusamlega í kennslustundir ásamt því að taka þátt í kynningarstarfi á vegum HR sé þess óskað. Dæmi um slíkt væri viðvera á Háskóladeginum.
Umsóknir og fyrirspurnir skulu berast á tölvupósti til: hjaltio@ru.is og hafrunkr@ru.is.
.jpg?proc=760){kind=logo}
.JPG?proc=760)
