30. janúar 2009
Ársþing KSÍ, það 63. í röðinni, verður haldið í höfuðstöðvum KSÍ á Laugardalsvelli 14. febrúar næstkomandi. Hér að neðan má sjá þær tillögur er liggja fyrir þinginu sem og dagskrá þingsins sem sett verður kl. 11:00.</
30. janúar 2009
Á fundi framkvæmdarstjórnar UEFA í gær var samþykkt að KSÍ yrði aðili að dómarasáttmála UEFA. Sjö nýjar þjóðir voru samþykktar á þessum fundi og verður aðild KSÍ staðfest formlega með undirskrift síðar.
30. janúar 2009
Mánudaginn 2.febrúar nk. munu hefjast knattspyrnuæfingar fyrir fatlaða hjá KR. Æfingatímar verða eftirfarandi: mánudagar kl. 20:30 fyrir eldri hóp (13 ára og eldri) og laugardagar kl. 15:30 fyrir yngri hóp (12 ára og yngri).
29. janúar 2009
Enski dómarinn Mike Riley mun dæma vináttulandsleik Íslands og Færeyja sem fram fer sunnudaginn 22. mars í Kórnum.  Aðstoðardómarar leiksins sem og fjórði dómari leiksins munu verða íslenskir.
28. janúar 2009
Unglingadómaranámskeið hjá KS verður haldið í efra skólahúsinu sunnudaginn 1.febrúar kl. 10:00. Um að ræða tveggja tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.
28. janúar 2009
Dregið hefur verið í riðla á Norðurlandamóti U17 kvenna en mótið fer fram í Värmaland í Svíþjóð dagana 29. júní til 4. júlí. Ísland er í riðli með Þýskalandi, Hollandi og Noregi.
26. janúar 2009
Um helgina fara fram úrtaksæfingar hjá U17 og U19 kvenna og verður æft í Kórnum og Egilshöllinni. Þorlákur Árnason, landsliðsþjálfari U17 kvenna og Ólafur Þór Guðbjörnsson, landsliðsþjálfari U19 kvenna, hafa valið hópa til þessara æfinga.
26. janúar 2009
Dagana 16. - 23. janúar stóð Knattspyrnusamband Íslands fyrir 6. stigs þjálfaranámskeiði í Lilleshall á Englandi. 30 þjálfarar sátu námskeiðið. Ferðin þótti heppnast ágætlega en þrír erlendir kennarar héldu fyrirlestur á námskeiðinu.
26. janúar 2009
Íslenska kvennalandsliðið leikur tvo vináttulandsleiki í júlí og má segja að þessir leikir verði lokahnykkurinn í undirbúningi fyrir úrslitakeppni EM í Finnlandi. Leikið verður við England16. júlí og Danmörku 19. júlí. Báðir leikirnir verða leiknir í Englandi.
26. janúar 2009
Freyr Sverrisson, landsliðsþjálfari U16 karla, hefur valið hóp til úrtaksæfinga hjá U16 karla. Leikmennirnir koma frá félögum á Norðurlandi en æfingarnar fara fram í Boganum.
26. janúar 2009
Þróttur Reykjavík leitar að metnaðarfullum einstaklingum sem eru tilbúnir í að leggja sitt af mörkum til að efla yngri flokkana hjá félaginu og vinna skv. stefnu félagsins. Reynsla af þjálfarastörfum og þjálfaramenntun frá KSÍ skilyrði.
26. janúar 2009
Unglingadómaranámskeið hjá Hvöt verður haldið í Grunnskóla Blönduóss föstudaginn 30. janúar kl. 17:00. Um að ræða tveggja tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.
22. janúar 2009
Íþrótta-og Ólympíusamband Íslands hefur kynnt nýjar alþjóðlegar lyfjareglur sem tóku gildi um síðastu áramót. KSÍ hvetur aðildarfélög sín til að halda vöku sinni í þessum málaflokki og minnir á ábyrgð þeirra að kynna þessi mál fyrir leikmönnum sínum.
22. janúar 2009
Á heimasíðu UEFA má finna viðtal við Sigurð Ragnar Eyjólfsson, landsliðsþjálfara, um árangur íslenska kvennalandsliðsins í ljósi þess að liðið tryggði sér sæti í úrslitakeppninni í Finnlandi í ágúst.
21. janúar 2009
Unglingadómaranámskeið hjá Þór verður haldið í Hamri þriðjudaginn 27. janúar kl. 17:00. Um að ræða tveggja tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.
21. janúar 2009
Leikjaniðurröðun hefur verið birt fyrir Algarve Cup 2009 en þar leikur íslenska kvennalandsliðið í B riðli. Fyrsti leikur íslenska liðsins verður gegn Noregi, miðvikudaginn 4. mars.
20. janúar 2009
Knattspyrnudeild Fylkis auglýsir eftir þjálfara fyrir 2.flokk karla og þarf viðkomandi að geta hafið störf sem allra fyrst. Umsækjendur þurfa að hafa lokið KSÍ B þjálfaragráðu Knattspyrnusambands Íslands.
20. janúar 2009
Leyfisgögn ÍBV hafa nú skilað sér til leyfisstjórnar með póstinum og sýnir stimpillinn frá póstinum að gögnin hafi verið póstuð innan tímamarka, þ.e. fimmtudaginn 15. janúar.