6. september 2008
Íslenska landsliðið gerði jafntefli vð Norðmenn í dag í fyrsta leik liðsins í undankeppni HM 2010. Lokatölur urðu 2-2 eftir að staðan í hálfleik hafði verið 1-1. Það voru þeir Heiðar Helguson og Eiður Smári Guðjohnsen sem skoruðu mörk Íslands í leiknum. Skotar mæta á Laugardalsvöllinn á miðvikudaginn og eru enn til miðar á þann leik.
6. september 2008
Ólafur Jóhannesson, landsliðsþjálfari, hefur tilkynnt byrjunarlið sitt er mætir Norðmönnum í dag í fyrsta leik liðsins í undankeppni HM 2010. Leikurinn hefst kl. 17:00 að íslenskum tíma og verður í beinni útsendingu á Stöð 2 Sport.
5. september 2008
Strákarnir í U21 karla biðu lægri hlut gegn Austurríki í undankeppni U21 karla fyrir EM 2009 en leikið var í Austurríki. Lokatölur urðu 1-0 fyrir heimamenn en þeir komust yfir eftir 5 mínútna leik.
5. september 2008
Íslenska kvennalandsliðið er í 18. sæti á nýjum styrkleikalista kvenna sem FIFA birti í dag. Stendur íslenska liðið í stað frá því á síðasta lista. Bandaríkin tróna á toppnum en Þjóðverjar eru í öðru sæti.
5. september 2008
Luka Kostic, landsliðsþjálfari U21, hefur tilkynnt byrjunarlið sitt er mætir Austurríksmönnum í dag í undankeppni fyrir EM 2009. Leikurinn hefst kl. 18:30 að íslenskum tíma.
5. september 2008
Handhafar A-passa frá KSÍ fá aðgöngumiða á leikinn Ísland - Skotland afhenta mánudaginn 8. september frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
4. september 2008
Knattspyrnusamband Ísland og Knattspyrnuþjálfarafélag Íslands standa fyrir sameiginlegri ráðstefnu í tengslum við Visa bikarúrslitaleik kvenna (KR og Vals) þann 20. september næstkomandi.
4. september 2008
Miðasala er nú í fullum gangi á leik Íslands og Skotlands í undankeppni HM 2010 en leikurinn fer fram á Laugardalsvelli, miðvikudaginn 10. september, kl. 18:30. Miðasala fer fram sem fyrr í miðasölukerfi frá midi.is
4. september 2008
Áfram Ísland klúbburinn, í samstarfi við Íslendingafélagið í Osló og Icelandair verða með upphitun laugardaginn 6. september næstkomandi fyrir leik Norðmanna og Íslendinga sem hefst kl 19.00.
3. september 2008
Þriðjudaginn 16. september ætla Knattspyrnusamband Íslands og Íþrótta- og Ólympíusamband Íslands að halda sameiginlega ráðstefnu um knattspyrnuþjálfun erlendis og er aðgangur ókeypis.
3. september 2008
Á nýjum styrkleikalista FIFA, er birtur var í dag, fellur Ísland um 10 sæti og situr nú í 107. sæti listans. Spánverjar eru á toppi listans en fyrstu fimm þjóðirnar á listanum eru Evrópuþjóðir.
2. september 2008
Luka Kostic, landsliðsþjálfari U21 karla, hefur gert tvær breytingar á landsliðshóp sínum er mætir Austurríki og Slóvakíu á næstu dögum. Þeir Hjörtur Logi Valgarðsson úr FH og Jón Vilhelm Ákason úr ÍA koma inn í hópinn.
2. september 2008
Ólafur Jóhannesson valdi í dag þá Guðmund Steinarsson og Jónas Guðna Sævarsson í landsliðshópinn fyrir leikina gegn Noregi og Skotlandi. Þeir koma í stað Ólafs Inga Skúlasonar og Theodórs Elmars Bjarnasonar sem eru meiddir
29. ágúst 2008
Strákarnir í U18 gerðu í dag markalaust jafntefli við Ungverja en leikurinn var liður í æfingamóti er fram fer í Tékklandi. Liðið hlaut því eitt stig og komst ekki upp úr riðlinum.
29. ágúst 2008
Framundan eru tveir vináttulandsleikir við Norður Íra hjá U19 karla og fara þeir leikir fram ytra 8. og 10. september. Kristinn Rúnar Jónsson, landsliðsþjálfari U19 karla, hefur valið 18 leikmenn fyrir þessa leiki.
29. ágúst 2008
Íslenska U18 karlalandsliðið leikur í dag við Ungverja á æfingamóti sem fram fer í Tékklandi. Þetta er síðasti leikur liðsins í þessu móti en liðið tapaði fyrir Tékkum, 0-2 í fyrsta leik og gegn Norðmönnum 1-2.
28. ágúst 2008
Luka Kostic, landsliðsþjálfari U21 karla, valdi í dag landsliðshóp sinn er mætir Austuríki og Slóvakíu í undankeppni fyrir EM 2009. Leikurinn við Austurríki fer fram ytra 5. september en leikurinn gegn Slóvakíu hér heima, þriðjudaginn 9. september.
28. ágúst 2008
Ólafur Jóhannesson, landsliðsþjálfari, tilkynnti á blaðamannafundi í dag landsliðshóp sinn sem tekur þátt í næstu landsliðsverkefnum. Það eru leikir gegn Noregi ytra, 6. september og Skotum hér heima, 10. september.