Dómaramál

Hér er að finna ýmislegt fræðsluefni tengt dómaramálum

Viltu verða dómari?

KSÍ býður nýjum dómurum upp á 4 námskeið á ári.

Aldurstakmark er 15 ára og námskeiðin eru ókeypis.

Eftirfarandi námskeið eru í boði:

Byrjendanámskeið: Námskeiðin eru haldin hjá félögunum og opin öllum sem hafa áhuga á því að ná sér í unglingadómararéttindi.  Réttindi til að dæma upp í 4. flokk og vera aðstoðardómari upp í 2. flokk.

Aðstoðardómaranámskeið: Námskeiðið er í byrjun febrúar. Nauðsynlegt námskeið fyrir þá sem ætla að starfa sem aðstoðardómarar.  Rafrænn fyrirlestur sendur á alla sem lokið hafa héraðsdómaranámskeiði.

Dómaranámskeið: Tekin eru fyrir ákveðin viðfangsefni hverju sinni og þau krufin til mergjar.

Héraðsdómaranámskeið: Þeir sem klára héraðsdómaranámskeið hafa réttindi til þess að dæma í öllum flokkum.