Þingfulltrúar

Í 1. grein laga KSÍ er fjallað um rétt til þingsetu.

10.1 Knattspyrnuþingið sitja fulltrúar frá aðildarfélögum KSÍ. Aðildarfélög KSÍ skulu eftir fremsta megni tilnefna fulltrúa þannig að tekið sé mið af jafnri stöðu kynja. 

10.2 Fulltrúafjöldi aðildarfélaga ákvarðast af þátttöku þeirra í Íslandsmóti meistaraflokks sem hér segir: 

1. Fyrir félag, sem hefur rétt til þátttöku í efstu deild karla og/eða kvenna á komandi leiktíð, komi 4 fulltrúar. 
2. Fyrir félag, sem hefur rétt til þátttöku í 1. deild karla og/eða kvenna á komandi leiktíð, komi 3 fulltrúar. 
3. Fyrir félag, sem hefur rétt til þátttöku í 2. deild karla á komandi leiktíð, komi 2 fulltrúar.
4. Fyrir félag, sem hefur rétt til þátttöku í neðri deildum karla og/eða kvenna á komandi leiktíð en um getur í liðum a.-c., komi 1 fulltrúi, enda hafi það tekið þátt í Íslandsmóti meistaraflokks (sjálfstætt eða í sameiginlegu liði) síðustu fimm leiktíðir samfleytt. apríl 2024
5. Fyrir sameiginlegt lið félaga komi fulltrúar sbr. a.-d., sem skiptast milli félaga sem standa að liðinu, skv. samkomulagi þeirra á milli ella fellur réttur til fulltrúa niður. 

Fulltrúafjöldi aðildarfélags skal einungis ákvarðast af einum þeirra liða a. til e. sem gefur flesta fulltrúa. Félag sem ekki tefldi fram í móti á vegum KSÍ á síðasta keppnistímabili að minnsta kosti einu liði í yngri flokkum (3. – 6. flokk), getur að hámarki verið með einn fulltrúa. 

10.3 Skrifstofa KSÍ skal senda kjörbréf til aðildarfélaga eigi síðar en tveimur vikum fyrir þing. Aðeins sá, sem skráður er á kjörbréf, sem staðfest hefur verið af formanni aðildarfélags eða meirihluta stjórnar þess, er kjörgengur fulltrúi þess á knattspyrnuþingi og fer með atkvæðisrétt. 

10.4 Hver þingfulltrúi fer aðeins með eitt atkvæði. Ekki er heimilt að greiða atkvæði samkvæmt umboði eða bréfleiðis. Kjörnir fulltrúar í stjórn KSÍ, varafulltrúar þeirra og kjörnir fulltrúar úrskurðarnefnda og dómstóla geta ekki farið með atkvæðisrétt á ársþingi. 

10.5 Félög sem eru í skuld við KSÍ miðað við síðustu áramót, missa rétt til þingsetu. KSÍ skal tilkynna þeim félögum eigi síðar en þremur vikum fyrir þing að félagið fái ekki kjörbréf nema eldri skuldir séu gerðar upp. Kjörnefnd skal ganga úr skugga um, að þessu ákvæði sé framfylgt. 

10.6 Á knattspyrnuþingi eiga auk kjörinna fulltrúa rétt til þingsetu og hafa þar málfrelsi og tillögurétt: 

1. Stjórnarmenn KSÍ. 
2. Framkvæmdastjóri KSÍ. 
3. Tveir fulltrúar samtaka knattspyrnudómara. 
4. Tveir fulltrúar Knattspyrnuþjálfarafélags Íslands. 
5. Tveir fulltrúar Íslensks Toppfótbolta. 
6. Tveir fulltrúar Leikmannasamtaka Íslands. 
7. g. Tveir fulltrúar Hagsmunasamtaka knattspyrnukvenna 

10.7 Jafnframt hafa rétt til þingsetu og hafa þar málfrelsi: 

1. Heiðursformenn KSÍ. 
2. Kjörnir fulltrúar landsfjórðunga. 
3. Nefndarmenn fastanefnda KSÍ. 
4. Dómarar í dómstólum KSÍ. 
5. Endurskoðandi reikninga KSÍ og skoðunarmenn. 
6. Forseti og framkvæmdastjóri ÍSÍ. 
7. Einn fulltrúi stjórnar hvers héraðssambands þar sem knattspyrna er iðkuð. 
8. Einn fulltrúi ráðuneytis íþróttamála. 

10.8 Auk þess getur stjórn KSÍ boðið öðrum aðilum þingsetu og veitt þeim heimild til að ávarpa þingið.