Í þessari fræðsluþáttaröð munu sérfræðingar á sínu sviði taka fyrir ýmsa þætti sem einkenna íþróttakonur á einn eða annan hátt út frá bestu vísindalegu þekkingu dagsins í dag. Fræðslan samanstendur annars vegar af styttri myndböndum eða fræðslumolum sem ætlaðir eru fyrst og fremst fyrir ungar íþróttakonur (10–18 ára) og hins vegar lengri fræðslufyrirlestrum fyrir eldri íþróttakonur, þjálfara, foreldra og aðra áhugasama.

Markmið verkefnisins er að auka fræðslu og þekkingu með það að leiðarljósi að hámarka frammistöðu, draga úr líkum á meiðslum og stuðla að bættri heilsu og velsæld íþróttakvenna á öllum aldri.

Verkefnið er styrkt af Kennsluþróunarsjóði Háskólans í Reykjavík.  

Myndböndin munu birtast á þessari síðu á næstu dögum en þau eru nú aðgengileg á vef HR.

Verkefnastjóri verkefnisins er Lára Hafliðadóttir, starfsmaður KSÍ á Vísindasviði, lara@ksi.is.