• Þjálfarar geta flett upp á fræðsluvef KSÍ (undir endurmenntun) hvenær þjálfararéttindin renna út.  Skjalið er uppfært mánaðarlega.
• Neðst niðri í hægra horni þjálfaraskírteinisins stendur líka hvenær þjálfararéttindin renna út.
• Til þess að fá nýtt þjálfaraskírteini með endurnýjuðum 3 ára gildistíma, þarf að sýna fram á að lokið hafi verið við lágmark 15 tíma endurmenntun á síðastliðnum 3 árum.
• Þjálfarar þurfa að passa sjálfir upp á að geta sannað sína endurmenntun.
• Fræðsludeild KSÍ ákvarðar hvað telst gild endurmenntun.
• Ákvörðunum fræðsludeildar KSÍ er heimilt að áfrýja til fræðslunefndar KSÍ.
• Fræðslunefnd KSÍ áskilur sér rétt til að breyta reglum um endurmenntun í framtíðinni.
• Ef þú ert í vafa um hvað telst endurmenntun hafðu þá samband við fræðsludeild KSÍ.

Námskeið og fræðsla sem má færa rök fyrir að nýtist þjálfaranum til að verða betri/hæfari í starfi telur almennt sem KSÍ B (UEFA B) endurmenntun.  Þetta er þó alltaf háð samþykki fræðsludeildar KSÍ.

Dæmi um hvað telur sem KSÍ B (UEFA B) endurmenntun:

• KSÍ V, KSÍ VI eða KSÍ VII námskeið
• ÍSÍ námskeið
• Skyndihjálparnámskeið
• Ræðunámskeið
• Námskeið í samskiptum
• Leiðtoga- og stjórnendanámskeið
• Styrktarnámskeið
• Hraðanámskeið
• Íþróttasálfræðinámskeið
• Námskeið og fyrirlestrar sem eru sérstaklega auglýst af KSÍ sem KSÍ B (UEFA B) endurmenntunarnámskeið o.s.frv.

Eftirfarandi telur sem KSÍ A (UEFA A) endurmenntun:

• UEFA study group ferðir
• UEFA ráðstefnur
• Norðurlandaráðstefnur á vegum knattspyrnusambandanna
• Námskeið og fyrirlestrar sem eru sérstaklega auglýst af KSÍ sem KSÍ A (UEFA A) endurmenntunarnámskeið.  
• Að fylgjast með þjálfun erlendis eða að fara á eigin vegum á ráðstefnu erlendis telur sem KSÍ A (UEFA A) endurmenntun séu neðangreind skilyrði uppfyllt:

1. Gera skal fræðsludeild KSÍ grein fyrir ferðinni áður en hún er farin með því að senda tölvupóst á dagur@ksi.is.  Í tölvupóstinum skal gera grein fyrir ítarlegri dagskrá og að þjálfarinn hugsi sér ferðina sem endurmenntun fyrir KSÍ A (UEFA A) gráðu.
2. Fræðsludeild KSÍ ákvarðar hvort að ferðin telji sem endurmenntun áður en farið er í hana. 
3. Að ferð lokinni þarf að skila inn til fræðsludeildar KSÍ undirritaðri staðfestingu frá erlenda félaginu eða ráðstefnuhaldaranum þar sem kemur fram tímafjöldi, dagsetningar og nákvæmlega hverju var fylgst með og hvað var gert í ferðinni.
4. Þjálfari skal skila inn skýrslu til fræðsludeildar KSÍ innan 3 vikna frá heimkomu.  Hún skal vera vélrituð og lágmark 1 bls fyrir hverja 5 tíma í endurmenntun eða lágmark 3 bls fyrir 15 tíma.  Í skýrslunni skal koma fram sönnun á því hvaða lærdómur átti sér stað í ferðinni.

Að fylgjast með æfingu eða liðsfundi telur almennt upp í endurmenntun.  Fundur með þjálfara frá erlenda félaginu telur líka sem endurmenntun.  Að vera þátttakandi á ráðstefnu eða námskeiði. Að horfa á leik telur almennt ekki sem endurmenntun.

Haft verður samband við KSÍ A þjálfara sem ekki hafa uppfyllt endurmenntunarskilyrði þegar KSÍ-A gráðan rennur út og þeim gefið eitt ár í að ná sér í 15 endurmenntunartíma til að endurnýja skírteinið sitt. Ef þeir ná ekki að uppfylla fyrrnefnd skilyrði þá þurfa þeir að vinna verkefni og sitja próf sem eru á KSÍ-A námskeiðinu á nýjan leik.

Samningur við International Soccer Science and Performance Federation (ISSPF)

Fræðsludeild KSÍ hefur náð samkomulagi við International Soccer Science and Performance Federation (ISSPF) um samstarf er varðar þjálfaramenntun.

Samkomulagið felur í sér að þjálfarar sem klára námskeið á vegum ISSPF geta fengið þau metin sem endurmenntun á KSÍ/UEFA þjálfararéttindunum sínum.

Á heimasíðu ISSPF (www.isspf.com) má finna margskonar (online) þjálfaranámskeið. Þjálfarar sem ljúka námskeiðum þeirra fá diplomu sem þeir geta áframsent á KSÍ.

Námskeiðin gefa allt frá 7 til 25 endurmenntunarstig og fjölbreytt viðfangsefni eru í boði, m.a. næring, sálfræði, styrktar- og úthaldsþjálfun, markmannsþjálfun, fyrirbyggja meiðsli. Á síðunni má einnig finna fjölda greina um knattspyrnuþjálfun.

Hér að neðan er listi yfir námskeiðin sem eru í boði og hvaða endurmenntun hvert og eitt þeirra veitir þjálfaranum

• Masters Certificate in Soccer Psychology & Mental Skills Training
  • KSÍ/UEFA A eða PRO þjálfararéttindi
• Intermediate Certificate in Soccer Nutrition
  • KSÍ/UEFA A eða PRO þjálfararéttindi
• Professional Masters in Goalkeeper Coaching Science (Senior Pro Level)
  • KSÍ/UEFA A eða PRO þjálfararéttindi
• Certificate in Strength & Conditioning for Soccer Performance
  • Öll KSÍ/UEFA þjálfararéttindi
• Intermediate Certificate in Soccer Psychology & Mental Skills Training
  • KSÍ/UEFA B, A eða PRO þjálfararéttindi
• Foundation Certificate in Soccer Psychology & Mental Skills Training
  • KSÍ/UEFA C eða B þjálfararéttindi
• Professional Certificate in Goalkeeper Coaching Science (Pro Youth Level)
  • KSÍ/UEFA C, B eða A þjálfararéttindi
• Certificate in Soccer Business & Management 
  • KSÍ/UEFA A eða PRO þjálfararéttindi
• Soccer Coaching Leaders Certificate 
  • KSÍ/UEFA C eða B þjálfararéttindi
• Certificate in Soccer Science & Performance 
  • KSÍ/UEFA B eða A þjálfararéttindi
• Certificate in Physical Training and Soccer Methodology 
  • KSÍ/UEFA A eða PRO þjálfararéttindi
• Certificate in Youth Soccer Athletic Development (LTAD)
  • KSÍ/UEFA C eða B þjálfararéttindi
• Certificate in Soccer Training Load Management 
  • KSÍ/UEFA B eða A þjálfararéttindi
• Foundation Certificate in Soccer Psychology & Mental Skills Training
  • KSÍ/UEFA C eða B þjálfararéttindi
• Intermediate Certificate in Soccer Psychology & Mental Skills Training
  • KSÍ/UEFA A eða PRO þjálfararéttindi
• Foundation Certificate in Soccer Nutrition
  • KSÍ/UEFA B eða A þjálfararéttindi

Aðildarfélög KSÍ og starfandi knattspyrnuþjálfarar hjá þeim geta haft samband við fræðsludeild KSÍ og fengið leiðbeinanda frá KSÍ í 3 heimsóknir. Þjálfarinn fær einstaklingskennslu/leiðsögn frá leiðbeinandanum við sínar raunverulegu aðstæður, við að þjálfa sinn flokk.  Með þessu styður KSÍ enn frekar við þjálfaramenntun og starf félaganna.

Annars vegar er um að ræða KSÍ A þjálfaraskóla og hins vegar KSÍ B þjálfaraskóla.

Markmið Þjálfaraskóla KSÍ:

Markmiðið með Þjálfaraskóla KSÍ er að veita þjálfurum tækifæri til að fá reynslumikinn leiðbeinanda sem veitir viðkomandi þjálfara einstaklingskennslu. Með þessu deilist verðmæt þekking sem styrkir starf og hæfni þjálfarans. Þjálfaraskóli KSÍ snýst þannig um að hæfur og reynslumikill þjálfari (leiðbeinandi) nýti reynslu sína og færni í að hjálpa öðrum þjálfara að verða betri í sínu starfi með því að gefa af sér og deila þekkingu sinni og reynslu. Einstaklingskennsla er frábær leið til að læra.

Aðildarfélög KSÍ geta nýtt sér Þjálfaraskóla KSÍ m.a. á eftirfarandi hátt:

• Nýr þjálfari er ráðinn til starfa hjá félaginu sem þarf á leiðsögn að halda
• Reynslulítill þjálfari þarf leiðsögn á ákveðnu sviði, t.d. hvernig þjálfa á markmenn
• Metnaðarfullur þjálfari vill verða ennþá betri í starfi og fær því leiðbeinanda til að fylgjast með sér og veita endurgjöf
• Verðlaun fyrir góða þjálfara sem starfa hjá félaginu og félagið vill umbuna
• Félag sem er ekki með yfirþjálfara getur með þessu móti fengið leiðbeinanda inn á æfingar til að styðja við bakið á þjálfurum félagsins og efla þannig enn frekar gæðastarfið
• Endurmenntun (Þjálfaraskóli KSÍ telur sem 9 tímar í endurmenntun). 

Leiðbeinandi frá KSÍ mun m.a. fylgjast með viðkomandi þjálfara að störfum, segja honum til, svara spurningum og benda honum á leiðir til að verða ennþá hæfari í starfi.

Kostnaður:

Miðað er við 3 heimsóknir,  30 mínútur spjall eftir æfingu.  Kostnaður er alls 45.000 krónur.

Fyrirkomulag:

Senda þarf tölvupóst á arnarbill@ksi.is og dagur@ksi.is þar sem kemur fram ósk um að fá KSÍ leiðbeinanda í heimsókn. Taka þarf fram nafn félags, nafn þjálfara og hvaða flokk viðkomandi þjálfar, æfingatíma og hvenær er óskað eftir heimsókn, ásamt því hvers vegna er óskað eftir heimsókninni (t.d. markmannsþjálfun).  Fræðsludeild KSÍ og/eða leiðbeinandinn verður svo í sambandi við félagið og/eða þjálfarann. Ef félagið er að greiða, þá eru 45.000 kr. skuldfærðar af reikningi félagsins við KSÍ og KSÍ sér svo um að greiða leiðbeinandanum.  Athugið að allt þetta ferli þarf að fara fram með milligöngu fræðsludeildar KSÍ. KSÍ mun ekki samþykkja greiðslur ef að félag/þjálfari hefur beint samband við leiðbeinanda án þess að samþykki KSÍ liggi fyrir áður.

KSÍ A þjálfaraskólinn:

• Þjálfarar með KSÍ A þjálfaragráðu geta nýtt sér KSÍ A þjálfaraskólann sem endurmenntun á sinni þjálfaragráðu.
• Einnig er KSÍ A þjálfaraskólinn hluti af umsóknarferli þjálfara inn á KSÍ A 2 þjálfaranámskeiðið.
• Í KSÍ A þjálfaraskólanum viljum við að lögð sé áhersla á eftirfarandi:
  
  • Rauður þráður í æfingunni
  • Á einhverri af þessum æfingum viljum við að unnið sé í leikfræði
  • Í byrjun æfingar ætti að brjóta leikfræðiatriðið niður og vinna með það í smærri einingum
  • Í lok æfingar er svo unnið með það í spili og þar er ætlast til að þjálfarinn stoppi, sýni og leiðbeini á viðeigandi augnablikum
  • Sem dæmi ef unnið er með framhjáhlaup: þegar búið er að brjóta það niður þá æfa bakverðir og kantmenn saman. Yfirfæra það atriði svo yfir í spil
  • Stoppa/frjósa – spyrja og leiðbeina
  • Hver er ákefðin í æfingunum? Gerir þjálfarinn sér grein fyrir hvaða þjálfunaráhrif viðkomandi æfingar hafa á líkamann?

KSÍ B þjálfaraskólinn:

• KSÍ B þjálfaraskólinn er hluti af KSÍ B þjálfaragráðunni. Allir þjálfarar sem taka KSÍ B 4 þjálfaranámskeið taka KSÍ B þjálfaraskóla og er hann verklega prófið á KSÍ B þjálfaragráðunni.
• Í KSÍ B þjálfaraskólanum viljum við að leiðbeinendur fylgist sérstaklega með:
  
  • Uppsetning æfingar og tímaseðils
  • Notkun búnaðar; boltar, keilur, vesti o.s.frv.
  • Skipulag æfingarinnar; Allir virkir, engar óþarfa raðir, stuttar pásur
  • Hvort æfingaval hæfi aldri og hæfni leikmanna
  • Útskýringum þjálfara á æfingum; sýna, útskýra, sýna
  • Staðsetning þjálfara og raddbeiting
     

Allar nánari upplýsingar veita:

• Arnar Bill Gunnarsson
  Fræðslustjóri KSÍ
  510-2978
  arnarbill@ksi.is
• Dagur Sveinn Dagbjartsson
  Umsjónarmaður þjálfaramenntunar KSÍ
  510-2977
  dagur@ksi.is