Valmynd
Valmynd
30. janúar 2018
A landslið karla mun leik vináttuleik gegn Noregi 2. júní næstkomandi, en leikurinn fer fram á Laugardalsvelli. Leikurinn er liður í lokaundirbúningi Íslands fyrir HM í Rússlandi þar sem liðið mætir Argentínu í fyrsta leik þann 16. júní í Moskvu.
29. janúar 2018
Framboð til stjórnar KSÍ skal skv. 15. grein laga KSÍ berast skrifstofu KSÍ minnst hálfum mánuði fyrir þing. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.
29. janúar 2018
Laugardaginn 27. janúar var fundur með þátttakendum sem valdir voru í hæfileikamótun fyrir unga dómara árið 2018. 10 þátttakendur á aldrinum 17-25 ára voru valdir til þess að taka þátt í verkefninu að þessu sinni.
29. janúar 2018
Miðasöluglugginn sem opnaði 5. desember síðastliðinn lokast klukkan 09:00 að íslenskum tíma á miðvikudaginn næstkomandi, 31. janúar.
28. janúar 2018
U17 ára lið karla vann 3-0 sigur gegn Moldóva og endaði því í 7. sæti á móti í Hvíta Rússlandi, en leikið var í Minsk. Það voru Jóhann Árni Gunnarsson, Arnór Ingi Kristinsson og Davíð Snær Jóhannsson sem skoruðu mörk Íslands.
27. janúar 2018
U17 ára lið karla leikur á sunnudag um 7. sæti á móti í Hvíta Rússlandi, en mótherjar liðsins verða Moldóva. Þetta er fimmti, og síðasti, leikur liðsins á mótinu. Hingað til hefur liðið unnið Slóvakíu, Rússland og Litháen, en tapað fyrir Ísrael.
26. janúar 2018
72. ársþing KSÍ verður haldið á Hilton Reykjavík Nordica þann 10. febrúar nk. Sambandsaðilar eru beðnir um að kynna sér viðeigandi upplýsingar og gögn, sem má sjá með því að smella hér að neðan.
26. janúar 2018
Undanfarnar vikur hefur verið unnið að undirbúningi nýs verkefnis sem hefur það að markmiði að auka þátttöku barna og unglinga af erlendum uppruna í íþróttum og um leið að auðvelda sömu börnum og foreldrum þeirra aðlögun að íslensku samfélagi. Reykjavíkurborg hefur valið Breiðholtið sem vettvang fyrir þetta verkefni og óskað eftir þátttöku ÍR í því ásamt Leikni og Ægi. Alþjóðasamtökin TUFF eru aðilar að verkefninu.
26. janúar 2018
KSÍ hefur ráðið Ingibjörgu (Systu) Jónsdóttur í tímabundið starf á skrifstofu sambandsins. Systa mun sjá um símavörslu og móttöku gesta, og meðal annarra verkefna má nefna útgáfu aðgönguskírteina, verkefni á sviði mótadeildar, undirbúningur funda og viðburða.
26. janúar 2018
U17 ára lið karla leikur í dag við Litháen í fyrri leik sínum í umspili á móti í Hvíta Rússlandi. Leikurinn hefst klukkan 11:15 að íslenskum tíma. Liðið sigraði Slóvakíu og Rússland í riðlakeppninni, en tapaði fyrir Ísrael. Liðið leikur því um 7.-9. sæti á mótinu.
26. janúar 2018
U17 karla vann Litháen eftir vítaspyrnukeppni og er því ljóst að liðið mun leika um 7.-8. sæti mótsins gegn Moldóva á sunnudaginn, en leikið er í Hvíta Rússlandi. Staðan var 0-0 eftir venjulegan leiktíma, en Ísland vann síðan 5-4 sigur í vítspyrnukeppninni.
26. janúar 2018
Leikjaniðurröðun A landsliðs kvenna á Algarve Cup hefur verið staðfest, en Ísland er í riðli með Danmörku, Japan og Hollandi. Fyrsti leikur liðsins fer fram 28, febrúar og mætir liðið þá Danmörku. 
26. janúar 2018
Eyjólfur Sverrisson, landsliðsþjálfari U21 karla, hefur valið úrtakshóp sem mun taka þátt á æfingum 2.-3. febrúar, en báðar æfingarnar fara í Kórnum.
25. janúar 2018
Fimm leikmenn léku sinn fyrsta landsleik með A landsliði kvenna í leiknum gegn Noregi á La Manga og fengu afhent Nýliðamerki KSÍ. Þetta voru þær Andrea Mist Pálsdóttir, Hlín Eiríksdóttir, Selma Sól Magnúsdóttir, Anna Rakel Pétursdóttir og Guðný Árnadóttir.
25. janúar 2018
Þorvaldur Örlygsson, landsliðsþjálfari U19 karla, hefur valið hóp sem tekur þátt í úrtaksæfingum 2.-4. febrúar, en æfingarnar fara fram í Kórnum og Egilshöll.
24. janúar 2018
Dregið verður í riðla í Þjóðadeild UEFA í höfuðstöðvum UEFA í Lausanne í Sviss í dag. Drátturinn hefst kl. 11:00 að íslenskum tíma og verður sýndur beint á Stöð 2 Sport og á Vísi.is.
24. janúar 2018
Ísland dróst í 2. riðil A deildar Þjóðadeildarinnar ásamt Belgíu og Sviss. Leikirnir munu fara fram í september, október og nóvember 2018 og verður leikið heima og heiman.
24. janúar 2018
Ísland hafði betur gegn Rússum í lokaleiknum á móti í Hvíta-Rússlandi. Leikurinn var nokkuð jafn en þó voru Rússarnir meira með boltann en Ísland átti fleiri skot á mörkin.
