Valmynd
Valmynd
11. nóvember 2016
Knattspyrnusambönd Íslands og Þýskalands hafa komist að samkomulagi um að U17 karlalandslið þjóðanna leiki 2 vináttulandsleiki á Íslands í nóvember. Leikirnr fara fram 17. og 19. nóvember og verða leiknir í Egilshöll.
11. nóvember 2016
Ísland er í milliriðli með Spán, Svíþjóð og Portúgal. Leikið verður í Portúgal 28. mars - 2. apríl 2017.
11. nóvember 2016
A landslið karla er nú mætt til Zagreb í Króatíu þar sem liðið mætir heimamönnum í undankeppni HM 2018 á morgun. Liðið hefur dvalið í Parma undanfarna daga þar sem undirbúningur fyrir leikinn hefur farið fram.
10. nóvember 2016
Alþjóða knattspyrnusambandið, FIFA, hefur birt nýjan lista yfir alþjóðlega dómara og er þar að finna tvo nýja aðstoðardómara. Andri Vigfússon og Oddur Helgi Guðmundsson koma inn sem nýir aðstoðardómarar. Aðalbjörn Heiðar Þorsteinssonkemur inn sem nýr Futsal dómari.
9. nóvember 2016
Ísland leikur við Frakka, Sviss og Austurríki í riðlakeppni EM næsta sumar. Fyrsti leikur Íslands er gegn Frökkum og má segja að sagan sé ekki á bandi Íslands þegar kemur að fyrri viðureignum þjóðanna.
8. nóvember 2016
Eftirtaldir leikmenn hafa verið valdir til að taka þátt í landshlutaæfingum stúlkna á Norðurlandi. Æfingar fara fram undir stjórn Úlfars Hinrikssonar.
8. nóvember 2016
Það er dregið í riðla í lokakeppni EM 2017 í dag í Hollandi en eins og flestir vita þá er Ísland meðal þeirra þjóða sem leika á lokamótinu. 16 lið eru í pottinum en 15 lið komust úr riðlakeppni og Holland er gestgjafi komandi sumar.
8. nóvember 2016
Almenn miðasala á leiki á EM 2017 í Hollandi hefst í kvöld á vef UEFA. Miðasalan sem hefst í kvöld er með því fyrirkomulagi að ekki er vitað hvar á vellinum sætin sem keypt eru, og er möguleiki á að þau séu ekki á svæði sem er ætlað íslenskum stuðningsmönnum.
8. nóvember 2016
Það er ljóst að Ísland er í C-riðli með Frakklandi, Austurríki og Sviss í riðlakeppni EM í Hollandi. Dregið var í riðli í dag og er ljóst að Íslandi býður verðugt verkefni næsta sumar. Við munum birta nánari upplýsingar um leikvanga, borgir og annað þegar þær liggja fyrir.
8. nóvember 2016
Ísland er með Frakklandi, Austurríki og Sviss í C-riðli á EM í Hollandi sem fram fer næsta sumar. Freyr Alexandersson, landsliðsþjálfari, segist ánægður með dráttinn og á hann von á spennandi móti.
8. nóvember 2016
UEFA hefur staðfest leikdaga og borgir þar sem Ísland mun leika í riðlakeppni EM í Hollandi. Ísland hefur leik þann 18. júlí gegn Frökkum en leikið verður í Tilburg, næsti leikur er gegn Sviss þann 22. júlí í Doetinchem og lokaleikur Íslands í riðlakeppninni er 26. júlí í Rotterdam þegar Ísland mætir Austurríki.
7. nóvember 2016
Undanfarnar tvær vikur hefur KSÍ haldið úti Markmannsskóla drengja og stúlkna á Akranesi en þetta er í fimmta skipti sem Markmannsskólinn er starfsræktur og öll árin hefur hann verið á Akranesi.
7. nóvember 2016
KSÍ hefur komist að samkomulagi við Knattspyrnusamband Mexíkó um vináttuleik A landsliðs karla miðvikudaginn 8. febrúar 2017.  Leikið verður í Las Vegas í Bandaríkjunum.
7. nóvember 2016
Íslenska karlalandslið er nú komið til Parma þar sem næstu dagar fara í undirbúning fyrir leikinn gegn Króatíu. Leikurinn fer fram í Zagreb laugardaginn 12. nóvember kl. 17:00 að íslenskum tíma og verður sýndur í beinni útsendingu á RÚV.
6. nóvember 2016
U17 ára lið karla lauk leik í undankeppni EM í dag með tapi gegn Armeníu en leikurinn endaði með 3-2 sigri armenska liðsins. Ísland lauk því leik án sigurs en liðið tapaði gegn Póllandi, Ísrael og Armeníu.
6. nóvember 2016
Vegna meiðsla verður Björn Bergmann Sigurðarson ekki í landsliðshópnum sem kemur til Parma á Ítalíu á morgun (mánudag). Björn tognaði í nára í leik með Molde fyrr í dag og er ljóst að hann getur ekki leikið með íslenska liðinu á næsta laugardag þegar það mætir Króötum í undankeppni HM 2018.
6. nóvember 2016
Ísland leikur lokaleik sinn í undankeppni EM U17 karla í dag en leikið er í Ísrael. Leikurinn er gegn Armeníu en Ísland getur ekki tryggt sér sæti í milliriðli eftir tvö töp.
4. nóvember 2016
KSÍ er með landsdómararáðstefnu um komandi helgi þar sem farið verður yfir mörg mál sem tengjast dómgæslunni.
