Valmynd
Valmynd
9. ágúst 2016
U17 ára lið karla hampaði silfrinu á opna Norðurlandamótinu sem fram fór í Finnlandi. Danmörk vann úrslitaleikinn 2-0 en bæði mörk leiksins komu í upphafi leiksins.
9. ágúst 2016
U17 ára landslið karla leikur í dag úrslitaleikinn á opna Norðurlandamótinu sem fram fer í Finnlandi. Mótherjar Íslands í leiknum eru Danir. Ísland vann sigra á Svíum og Færeyingum en tapaði gegn Svartfjallalandi í riðlakeppninni.
7. ágúst 2016
U17 karla leikur til úrslita á opna Norðurlandamótinu sem fram fer í Finnlandi. Strákarnir okkar unnu góðan 2-1 sigur á Svíþjóð í dag og það er því ljóst að Ísland leikur til úrslita á þriðjudaginn. Frábær árangur hjá strákunum.
5. ágúst 2016
Hægt verður að kaupa mótsmiða á undankeppni HM karla sem hefst í september. Mótsmiði gildir á alla leiki í undankeppni HM sem leiknir eru á Íslandi.
5. ágúst 2016
Heimir Hallgrímsson, landsliðsþjálfari, er samningsbundinn næstu tvö árin eða fram yfir lokakeppni HM í Rússlandi. Guðmundur Hreiðarsson, markmannsþjálfari, mun áfram starfa með landsliðinu en hann hefur séð um markmannsþjálfun landsliðsins undanfarin ár. Helgi Kolviðsson hefur verið ráðinn sem aðstoðarlandsliðsþjálfari en hann var í starfsliði landsliðsins á EM í Frakklandi.
4. ágúst 2016
Halldór Björnsson, yfirmaður hæfileikamótunar, mun vera með æfingar laugardaginn 13. ágúst  fyrir stúlkur á höfuðborgarsvæðinu fæddar 2002.  
4. ágúst 2016
Halldór Björnsson yfirmaður hæfileikamótunar mun vera með æfingar föstudaginn 12. ágúst fyrir drengi á höfuðborgarsvæðinu, fædda 2002.
3. ágúst 2016
U17 ára landslið karla tapaði 0-1 í fyrsta leik sínum á opna Norðurlandamótinu sem fram fer í Svartfjallalandi. Næsti leikur Íslands er gegn Færeyjum á föstudaginn og hefst leikurinn klukkan 16:00.
3. ágúst 2016
U17 ára lið karla leikur í dag á opna Norðurlandamótinu sem hefst í dag. Ísland er í riðli með Svíum, Svartfellingum og Færeyingum en fyrsti leikur Íslands er gegn Svartfjallalandi.
3. ágúst 2016
Knattspyrnuþjálfarafélag Íslands í samstarfi við Knattspyrnusamband Íslands kynnir glæsilega bikarúrslitaráðstefnu sem haldin verður í tengslum við bikarúrslitaleiki karla og kvenna, föstudaginn 12. ágúst og laugardaginn 13. ágúst. Aðalfyrirlesari á ráðstefnunni er Heimir Hallgrímsson þjálfari A-landslið karla. Heimir mun fara ítarlega yfir vegferð íslenska landsliðsins á EM
29. júlí 2016
Úrtökumót KSÍ fyrir stúlkur fer fram á Laugarvatni, dagana 12. - 14. ágúst. Umsjón með mótinu hefur Úlfar Hinriksson og honum til aðstoðar er Mist Rúnarsdóttir. Félög leikmanna og leikmenn eru beðin um að kynna sér eftirfarandi upplýsingar:
28. júlí 2016
Þorvaldur Árnason verður í eldlínunni í kvöld þegar hann dæmir leik FC Torpedo-Belaz Zhodino og Rapid Vín í Evrópudeild UEFA en leikið verður í Zhodino í Hvíta Rússlandi. Þetta er fyrri viðureign liðanna í 3. umferð undankeppni Evrópudeildar UEFA.
26. júlí 2016
Sex dómarar verða á leikjum í undanúrslitum Borgunarbikars karla sem fram fara á miðvikudag og fimmtudag. Þetta fyrirkomulag þekkist m.a. frá úrslitakeppni EM í sumar.  Í leikjunum verður dómari, tveir aðstoðardómarar, tveir auka aðstoðardómarar og fjórði dómari.
25. júlí 2016
Halldór Björnsson, landsliðsþjálfari U17 karla, hefur valið hópinn sem tekur þátt á Norðurlandamótinu í Finnlandi en leikið verður dagana 3. - 9. ágúst.  Hópurinn verður við æfingar 28. - 30. júlí.
22. júlí 2016
Alvaro Molinos, fitnessþjálfari kvennaliðs Frankfurt í knattspyrnu, verður með fyrirlestur í höfuðstöðvum KSÍ mánudaginn 18. júlí kl. 12.00-13.00. Molinos er Spánverji með meistaragráðu bæði í íþrótta- og næringarfræði.
20. júlí 2016
Á landinu eru staddir enskir dómarar sem munu dæma leiki í Pepsi-deildinni og Inkasso-deildinni á næstunni. Íslenskir dómarar fara reglulega og dæma leiki í erlendum deildum og fáum við að sama skapi góða gesti sem dæma hér á Íslandi.
19. júlí 2016
Sara Björk Gunnarsdóttir, landsliðskona, er í 19. sæti yfir bestu knattspyrnukonur Evrópu á tímabilinu 2015–2016. Þetta er í fyrsta skipti sem íslenskur leikmaður kemst á blað í þessu kjöri, hvort sem er í kvenna- eða karlaflokki.
15. júlí 2016
Eftirtaldir leikmenn hafa verið valdir til að taka þátt í úrtaksæfingum vegna U 17 liðs karla. Æfingarnar fara fram undir stjórn Halldórs Björnssonar, þjálfara U17 landsliðs Íslands.
