Valmynd
Valmynd
11. júní 2016
Aron Einar Gunnarsson, fyrirliði íslenska landsliðsins, segir íslenska landsliðið ekki komið á EM í Frakklandi til að vera í sumarfríi þrátt fyrir að það sé gott veður. Liðið ætli sér stóra hluti á mótinu en spennan sé óneitanlega að aukast meðal leikmanna liðsins.
10. júní 2016
Á opinni æfingu íslenska liðsins í dag mætti Clement Davies sem er ungur aðdáandi Gylfa Þórs Sigurðssonar, leikmanns Swansea á Englandi. Clement býr ásamt foreldrum sínum í Frakklandi en pabbi hans er frá Wales en mamma hans er frönsk.
10. júní 2016
Í dag var opin æfing hjá landsliðinu í Annecy og mættu yfir 300 manns á æfingu. Eftir æfingu gáfu leikmenn eiginhandaráritanir og voru myndaðir bak og fyrir af gestum sem komu frá Frakklandi og auðvitað Íslandi.
9. júní 2016
Aga- og úrskurðarnefnd úrskurðaði á fundi, fimmtudaginn 9. júní, Vincent Broderick Steigerwald leikmann Vestra í þriggja leikja bann vegna atviks í leik Ægis og Vestra í 2. deild karla sem fram fór 4. júní síðastliðinn.
9. júní 2016
Föstudaginn 10. júní frá kl 12-18 býður Áfram Ísland öllum þeim sem vilja klæða sig upp fyrir EM að koma á Laugardalsvöll frá klukkan 12-18 og kaupa ÁFRAM ÍSLAND vörur á tilboðsverði.
9. júní 2016
Í kjölfar ákvörðunar þings FIFA í maí, þegar Kosovo og Gíbraltar voru samþykkt sem 210. og 211. aðildarþjóðir FIFA, hafa knattspyrnusambönd beggja þessara landa nú þátttökurétt í undankeppni HM 2018, sem hefst í september. UEFA hefur nú verið falið það verkefni að aðlaga niðurröðun leikja og keppnismódel undankeppninnar í Evrópu að þessari ákvörðun.
9. júní 2016
Heimir Hallgrímsson, landsliðsþjálfari, var léttur í viðtölum við fjölmiðla enda varla annað hægt þegar hann var kallaður Heimar í byrjun eins viðtals sem sjá má á Youtube-síðu KSÍ. Heimir segir undirbúning liðsins ganga vel og allt sé eins og best verður á kosið.
9. júní 2016
Gylfi Þór Sigurðsson verður í eldlínunni þegar Ísland mætir Portúgal í St. Etienne á þriðjudaginn. Gylfi sagði í samtali við fjölmiðla í dag að liðið þyrfti að verjast vel í leiknum og það þýddi ekki að reyna að stoppa einn leikmann, þó hann sé vissulega mjög öflugur.
8. júní 2016
Knattspyrnuskóli stúlkna  fer fram í næstu viku að Laugarvatni. Leikmenn í skólanum í ár eru fæddir árið 2002.  Mæting er stundvíslega kl. 14:30 mánudaginn 13. júní á skrifstofu KSÍ á Laugardalsvelli.
8. júní 2016
Íslenska landsliðið æfði í fyrsta sinn á æfingasvæðinu í Annecy í dag. Aðstæður voru allar hinar bestu en hitinn var um 24 gráður. Það rigndi vel í morgun en stytti upp áður en æfingin hófst.
7. júní 2016
Íslenska kvennalandsliðið vann öruggan sigur á Makedóníu i kvöld en leikið var í undankeppni EM. Lokatölur urðu 8 - 0 og komu sex markanna í fyrri hálfleik. Íslenska liðið er nú í dauðafæri um það að tryggja sér öruggt sæti í úrslitakeppniinni sem haldin verður í Hollandi á næsta ári.
7. júní 2016
Karlalandsliðið kom í dag til Annecy í Frakklandi þar sem liðið mun dveljast á meðan riðlaleppni EM stendur yfir. Ferðin gekk mjög vel í alla staði og þegar lent var tók var móttökuathöfn en svo var keyrt áleiðis á hótelið í Annecy.
7. júní 2016
Freyr Alexandersson, landsliðsþjálfari, hefur tilkynnt byrjunarliðið sem mætir Makedóníu í undankeppni EM í kvöld en leikið er á Laugardalsvelli kl. 19:30. Gerðar eru fimm breytingar frá byrjunarliðinu sem lagði Skota síðastliðinn föstudag.
7. júní 2016
Með sigri á Makedóníu í kvöld mun íslenska liðið verða á þröskuldi þess að vera öruggt í úrslitakeppnina í Hollandi 2017.  Efsta þjóðin í hverjum riðli tryggir sér sæti í úrslitakeppninni ásamt þeim sex þjóðum sem eru með bestan árangur í öðru sæti í riðlunum átta.  Þær tvær þjóðir sem eru þá eftir leika innbyrðis umspilsleiki um eitt sæti.
7. júní 2016
Ísland og Makedónía mætast í kvöld í undankeppni EM kvenna og hefst leikurinn á Laugardalsvelli kl. 19:30.  Miðasala á leikinn er í fullum gangi í gegnum miðasölukerfi hjá miði.is og þá hefst miðasala á Laugardalsvelli kl. 12:00.
6. júní 2016
Laugardalurinn skartaði sínum fegursta í kvöld þegar íslenska liðið lék sinn síðasta leik fyrir úrslitakeppni EM.  Lið Liechtenstein var lagt að velli með fjórum mörkum gegn engu.  Íslenska liðið lék af öryggi og yfirvegun og gáfu gestunum engin færi á sér.
6. júní 2016
A landslið karla mætir Liechtenstein á Laugardalsvellinum í kvöld, í síðasta vináttuleiknum áður en liðið heldur til Frakklands til að taka þátt í úrslitakeppni EM 2016.  Byrjunarlið Íslands í leiknum, sem hefst kl. 19:30 og er í beinni útsendingu á RÚV, hefur verið opinberað.
6. júní 2016
Hæfileikamótun KSÍ og N1 á höfuðborgarsvæðinu fyrir stúlkur fæddar 2003 verður fimmtudaginn 9. júní.  Það er Halldór Björnsson sem fer fyrir verkefninu.  Æfingar verða í Kórnum í Kópavogi. 
