Valmynd
Valmynd
8. janúar 2016
Úrtaksæfingar fyrir U17 karla fara fram 15. - 17. janúar. Æfingarnar fara fram í Kórnum og Egilshöll undir stjórn Halldórs Björnssonar, þjálfara U17 landsliðs karla.
8. janúar 2016
Framboð til stjórnar KSÍ skal skv. 15. grein laga KSÍ berast skrifstofu KSÍ skriflega minnst hálfum mánuði fyrir þing eða í síðasta lagi 30. janúar næstkomandi.  Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.
8. janúar 2016
Á fundi stjórnar KSÍ 16. desember 2015 voru samþykktar nýjar reglugerðir KSÍ um deildarbikarkeppnir KSÍ. Þessar reglugerðir hafa verið birtar á heimasíðu KSÍ. Helstu breytingar á reglugerðunum eru kynntar hér að neðan en mikilvægt er fyrir aðildarfélög KSÍ að kynna sér reglugerðirnar ítarlega.
8. janúar 2016
Í lok síðasta árs staðfesti FIFA íslenskar tilnefningar á FIFA-lista yfir dómara og aðstoðardómara fyrir árið 2016. Fulltrúar dómaranefndar KSÍ afhentu FIFA-merkin í höfuðstöðvum KSÍ á fimmtudag, og nutu þar aðstoðar formanns og framkvæmdastjóra KSÍ.
7. janúar 2016
Hópurinn sem mun leika við Finnland og Sameinuðu Arabísku Furstadæmin í Abu-Dhabi var tilkynntur í dag. Landsliðið mun leika tvo landsleiki í ferðinni en það er gegn Finnlandi þann 13. janúar og Sameinuðu Arabísku Furstadæmin þann 16. janúar.
7. janúar 2016
Íslenska karlalandsliðið í knattspyrnu er áfram í 36. sætinu á heimslista FIFA sem gefinn var út í fyrsta skipti á þessu ári í dag, fimmtudag. Fáir landsleikir hafa verið síðan listinn var birtur seinast og því ekki mikil hreyfing á liðunum á listanum.
6. janúar 2016
Leyfisferlið vegna keppnistímabilsins 2016 er nú í fullum gangi og vinna þau félög sem undirgangast kerfið hörðum höndum að undirbúningi leyfisgagna. Skiladagur leyfisgagna, annarra en fjárhagslegra, er 15. janúar. Þrjú félög hafa þegar skilað gögnum.
5. janúar 2016
Gunný Gunnlaugsdóttir hefur verið ráðin til starfa á skrifstofu KSÍ frá og með 5. janúar.  Hún mun m.a. sinna verkefnum tengdum landsliðum.
5. janúar 2016
Til stóð að U21 landslið karla myndi leika gegn U23 landsliði Katar í Antalya í Tyrklandi miðvikudaginn 6. janúar.  Síðla dags á mánudag 4. janúar bárust þær upplýsingar að vegna veðurs og aðstæðna í Antalya myndi lið Katar halda heim áður en leikur liðanna færi fram.  Því er ljóst að ekki verður af leiknum.
30. desember 2015
Ríkharður Jónsson og Sigríður Sigurðardóttir voru tekin inn í Heiðurshöll ÍSÍ í kvöld en þau voru heiðruð í Hörpu þar sem íþróttamaður ársins er krýndur.
30. desember 2015
Karlalandsliðið var útnefnt lið ársins af Samtökum íþróttafréttamanna en úrslit voru kunngjörð í kvöld, miðvikudag. Karlalandsliðið tryggði sér á árinu sæti í úrslitakeppni EM í Frakklandi en þetta er í fyrsta sinn sem karlalandsliðið tryggir sér sæti á lokamóti í knattspyrnu.
29. desember 2015
KSÍ hefur komist að samkomulagi við Knattspyrnusamband Grikklands um vináttuleik A landsliðs karla þriðjudaginn 29. mars.  Leikið verður á heimavelli Olympiakos, en sem kunnugt er leikur landsliðsmaðurinn Alfreð Finnbogason með Olympiakos. 
28. desember 2015
KSÍ heldur námskeið um líkamlega þjálfun kvenkyns leikmanna á Íslandi 8.- 9. janúar 2016. Námskeiðið verður haldið í Kórnum föstudaginn 8. janúar frá 20:00-21:00 og í húsakynnum KSÍ laugardaginn 9. janúar frá 10:00-14:00. Námskeiðsgjald er 5.000 krónur og innifalin er hádegisverður á laugardeginum. Þjálfarar í 11 manna bolta kvenna eru sérstaklega hvattir til að mæta.
23. desember 2015
Samtök íþróttafréttamanna hafa tilnefnt 10 íþróttamenn í kjörinu um íþróttamann ársins 2015. Fótboltinn á fulltrúa á listanum en meðal tilnefndra eru Aron Einar Gunnarsson, Gylfi Þór Sigurðsson og Sara Björk Gunnarsdóttir. Þá er karlalandsliðið tilnefnt sem lið ársins og Heimir Hallgrímsson er tilnefndur sem þjálfari ársins.
21. desember 2015
KSÍ og Herragarðurinn hafa gert með sér samkomulag  vegna þátttöku A landsliðs karla í úrslitakeppni EM 2016.  Samkvæmt samkomulaginu mun Herragarðurinn útvega leikmönnum og starfsmönnum A landsliðs karla jakkaföt sem þeir sem munu klæðast fyrir leiki í keppninni og við sérstök tækifæri.
21. desember 2015
Eftirtaldir leikmenn hafa verið valdir til að taka þátt í úrtaksæfingum vegna U19 liðs karla. Æfingarnar fara fram undir stjórn Þorvaldar Örlygssonar þjálfara U19 landsliðs Íslands.
18. desember 2015
Eyjólfur Sverrisson, þjálfari U21 landsliðs karla, hefur valið eftirtalda leikmenn til að leika fyrir Íslands hönd í U23 vináttulandsleik gegn Katar en leikið verður í Belek Tyrklandi 6. Janúar 2016.
18. desember 2015
Knattspyrnusambönd Íslands og Skotlands hafa komist að samkomulagi um að U17 kvennalandslið þjóðanna spili æfingaleiki á Íslandi í byrjun febrúar 2016.
