Valmynd
Valmynd
6. október 2015
Íslenskir dómarar munu dæma leiki í undankeppni EM U21 karla sem er í fullum gangi. Vilhjálmur Alvar Þórarinsson mun dæma leik Svíþjóðar og Eistlands sem fram fer þann 9. október. Með honum eru Gylfi Már Sigurðsson, Frosti Viðar Gunnarsson og Þóroddur Hjaltalín sem er fjórði dómari.
6. október 2015
Um 600 ungmenni tóku þátt í Hæfileikamótun KSÍ og N1 sem lauk nú um helgina með fótboltamóti drengja í Kórnum í Kópavogi, en stúlknamótið fór fram helgina 19.-20. september.
6. október 2015
Æfingaáætlun yngri landsliða veturinn 2015-2016 liggur nú fyrir og er skipulagið töluvert breytt frá því undanfarin ár. Í stað þess að þrír hópar æfi að jafnaði laugardag og sunnudag tvisvar í mánuði þá munu tveir hópar æfa föstudag/laugardag/sunnudag eina helgi í mánuði.
2. október 2015
Lars Lagerbåck og Heimir Hallgrímsson, landsliðsþjálfarar, hafa tilkynnt leikmannahópinn sem mætir Lettlandi þann 10. október á Laugardalsvelli og Tyrklandi þann 13. október ytra.
1. október 2015
Eyjólfur Sverrisson, landsliðsþjálfari U21 karla, hefur valið hópinn sem mætir Ukraínu 8. október og Skotlandi 13. október ytra í undankeppni EM 2017.  Í hópnum eru 20 leikmenn og leika sjö þeirra með erlendum félagsliðum.
1. október 2015
A landslið karla er í 23. sæti á nýútgefnum styrkleikalista FIFA og heldur því sæti sínu frá því listinn var síðast gefinn út. Næstu mótherjar Íslendinga í undankeppni EM 2016, Lettar, eru í 103. sæti og falla um 13 sæti milli mánaða. Tyrkir eru í 37. sæti og fara upp um 9 sæti.
1. október 2015
Marian Pahars, þjálfari lettneska landsliðsins, hefur tilkynnt 23 manna hóp fyrir síðustu tvo leikina í undankeppni EM karlalandsliða 2016.  Sem kunnugt er mæta Lettar Íslandi laugardaginn 10. október, og þeir ljúka síðan keppni með heimaleik gegn Kasakstan þremur dögum síðar.
30. september 2015
Á fundi sínum þriðjudaginn 29. september tók aga- og úrskurðarnefnd fyrir mál nr. 5 / 2015, knattspyrnudeild Selfoss gegn knattspyrnudeild Fylkis.  Selfoss taldi lið Fylkis í viðureign liðanna í 2. flokki kvenna hafa verið ólöglega skipað.  
30. september 2015
Í september var árleg ráðstefna UEFA um leyfismál haldin í Dubrovnik í Króatíu. Á ráðstefnunni var farið yfir ýmis mál tengd leyfiskerfum UEFA og aðildarlandanna, þar á meðal breytingar á leyfisreglugerð milli ára.  Stærsta breytingin milli ára snýr að styrkingu kröfu um menntun unglingaþjálfara, sem nú er orðin A-krafa en var B-krafa áður.
30. september 2015
KSÍ mun halda þrjú KSÍ I þjálfaranámskeið á höfuðborgarsvæðinu á næstunni, tvö helgina 16. - 18. október og eitt helgina 30. október - 1. nóvember. Stefnt er að því að hafa að hámarki 35 þátttakendur á hverju námskeiði og eru áhugasamir því hvattir til að skrá sig tímanlega.
30. september 2015
Í mars 2015 samþykkti FIFA nýjan viðauka við reglugerð FIFA um „Regulations on the status and Transfer of Players“, sem fjallar um innheimtu krafna um uppeldis- og samstöðubætur og leysir af hólmi eldri viðauka sama efnis.
30. september 2015
Þorvaldur Örlygsson, þjálfari U19 landsliðs karla, hefur valið 24 leikmenn til að taka þátt í tveimur vináttulandsleikjum gegn Norður-Írlandi.  Báðir leikirnir fara fram hér á landi - sá fyrri á Samsung vellinum í Garðabæ þann 9. október og sá seinni á K&G vellinum í Sandgerði 12. október.
29. september 2015
Úlfar Hinriksson, þjálfari U17 landsliðs kvenna, hefur valið 18 leikmenn til að taka þátt í undanriðli EM sem leikinn verður í Svartfjallalandi 20. -28. október. Leikmennirnir koma úr 11 félagsliðum víðs vegar af landinu, en Valur á þó flesta fulltrúa, eða 5.
29. september 2015
Markmannsskóli stúlkna fer fram á Akranesi dagana 2. til 4. október næstkomandi.  Þátttakendur eru efnilegir markverðir úr 4. flokki, stúlkur fæddar 2002 og 2003 - alls 32 markmenn frá 22 félögum víðs vegar af landinu.  Smellið hér að neðan til að skoða nafnalista og ýmsar gagnlegar upplýsingar.
28. september 2015
Í vikunni fara fram leikir í Unglingadeild UEFA (UEFA Youth League) og verða tvö íslensk dómarateymi að störfum.  Þorvaldur Árnason verður dómari á viðureign Arsenal FC og Olympiacos FC á þriðjudag og Vilhjálmur Alvar Þórarinsson verður dómari á leik FC Midtjylland og FC Saburtalo á miðvikudag.
28. september 2015
Í liðinni viku fór fram í Bratislava árleg ráðstefna UEFA um knattspyrnuþjálfun og menntun knattspyrnuþjálfara. Á mælendaskrá ráðstefnunnar var annar af þjálfurum A landsliðs karla, Lars Lagerbäck, sem fjallaði m.a. um þjálfun íslenska landsliðsins.
27. september 2015
U17 ára landsliðs karla tapaði 2-0 gegn Danmörku í dag, sunnudag, í undankeppni EM og lauk því leik í 3. sæti riðilsins.
25. september 2015
Mótið fer fram undir stjórn Halldórs Björnssonar og hér að neðan má sjá nafnalista þeirra leikmanna sem boðaðir eru til leiks. Undanfarið hefur Halldór Björnsson ferðast um landið með Hæfileikamótun KSÍ og N1 og er þetta mót framhald af þeirri vinnu.  Um er að ræða leikmenn sem eru í 4.flokki, 13 til 14 ára, og hafa þeir mætt á æfingar og fengið annan fróðleik í gegnum Hæfileikamótun KSÍ og N1.
