Valmynd
Valmynd
6. ágúst 2015
A-landslið karla féll um eitt sæti á heimslista FIFA sem var birtur í dag, fimmtudag. Landsliðið er í 24. sæti listans en það hefur þó ekki leikið síðan seinasti listi var birtur. Albanir fara upp fyrir Ísland á listanum en íslenska liðið er áfram efst Norðurlandaþjóðanna en Danir eru í 25. sæti.
5. ágúst 2015
U17 ára landslið karla vann 2-0 sigur á Bandaríkjunum á Opna Norðurlandamótinu í Svíþjóð. Fyrra markið kom beint úr hornspyrnu en dómari leiksins taldi að boltinn hafi komið við leikmann Bandaríkjanna og var markið því skráð sem sjálfsmark.
5. ágúst 2015
Norðurlandamót U17 landsliða karla fer fram í Svíþjóð dagana 4.-9. ágúst. Íslenska U17 landsliðið spilar auðvitað þar, en það eru ekki eingöngu íslenskir leikmenn sem taka þátt í NM í ár, heldur munu þeir Helgi Mikael Jónasson og Þórður Arnar Árnason starfa við dómgæslu - Helgi sem dómari og Þórður sem aðstoðardómari.
5. ágúst 2015
Úrtökumót KSÍ árið 2015 fyrir stúlkur verður haldið á Laugarvatni, dagana 14. - 16. ágúst. Umsjón með mótinu hefur Úlfar Hinriksson landsliðsþjálfari U17 kvenna.
5. ágúst 2015
U17 landslið karla mætir Bandaríkjunum í dag, miðvikudag, og hefst leikurinn klukkan 16:00 að íslenskum tíma eða 18:00 að sænskum tíma. Byrjunarliðið er klárt og er það svona:
4. ágúst 2015
U17 landslið karla tapaði með þremur mörkum gegn engu þegar liðið mætti Svíþjóð í fyrsta leik á Opna Norðurlandamótinu í dag, þriðjudag. Svíar eru ríkjandi Norðurlandameistarar og mótið í ár fer einmitt fram þar í landi, nánar tiltekið í Värmland.
4. ágúst 2015
KÞÍ í samstarfi við KSÍ kynnir glæsilega bikarúrslitaráðstefnu sem haldin verður í tengslum við úrslitaleik Borgunarbikars karla, laugardaginn 15. ágúst. Aðalfyrirlesarar ráðstefnunnar eru yfirþjálfari yngri flokka hjá AZ Alkmaar og yfirmaður fræðslumála hjá ensku úrvalsdeildinni.
4. ágúst 2015
U17 landslið karla hefur leik á Opna Norðurlandamótinu í dag, en leikið er í Svíþjóð. Mótherjarnir eru heimamenn, sem eru ríkjandi meistarar, og hefst leikurinn kl. 14:30 að íslenskum tíma. Byrjunarliðið hefur verið opinberað og má sjá það með því að smella hér að neðan.
3. ágúst 2015
Íslenskir dómarar hafa verið á faraldsfæti að dæma leiki í Evrópudeildinni en dómararnir hafa fengið mörg verkefni að undanförnu. Það eru samt ekki bara dómarar sem eru á faraldsfæti en fyrrum dómarar eru einnig í hlutverki eftirlitsmanna á leikjum Evrópudeildarinnar og Meistaradeildar Evrópu.
28. júlí 2015
A landslið karla leikur í haust síðustu 4 leikina í undankeppni EM eins og kunnugt er. Góður árangur í þessum leikjum getur tryggt liðinu sæti í úrslitakeppni EM 2016 í Frakklandi. Það yrði í fyrsta sinn sem A landslið karla næði slíkum árangri. 
26. júlí 2015
Það er ljóst hvernig leikjaplan Íslands er fyrir undankeppni HM en dregið var í gær, laugardag. Íslenska landsliðið hefur leik gegn Úkraínu á útivelli þann 5. september 2016 en á svo tvo heimaleiki við Finnland og Tyrkland.
25. júlí 2015
Heimir Hallgrímsson, landsliðsþjálfari, var sæmilega brattur þegar rætt var við hann eftir dráttinn á HM í dag þar sem Ísland lenti með Króatíu, Úkraínu, Tyrklandi og Finnlandi í 5 liða riðli. Heimir segir riðilinn sterkan en Ísland hafi sýnt það í undankeppni EM að íslenska liðið getur veitt hvaða liði sem er verðuga mótspyrnu.
25. júlí 2015
Dregið var í undankeppni HM karla í Rússlandi í dag. Ísland dróst með Úkraínu, Tyrklandi, Finnlandi og Króatíu en Ísland dróst í 5 liða riðil. Ísland var í potti 2 í drættinum og var því næst efsta styrkleikaflokki.
24. júlí 2015
Aga- og úrskurðarnefnd KSÍ hefur tekið fyrir mál nr. 2/2015, Víkingi gegn Stjörnunni/Skínanda. Kærandi taldi kærða hafa teflt fram ólöglegum leikmanni í leik 2. flokks karla og úrskurðaði Aga- og úrskurðarnefnd kæranda í hag.
23. júlí 2015
Á landinu eru staddir enskir dómarar sem munu dæma leiki í 1. deildinni á næstunni. Íslenskir dómarar fara reglulega og dæma leiki í erlendum deildum og fáum við að sama skapi góða gesti sem dæma hér á Íslandi.
23. júlí 2015
Dregið verður í riðla í undankeppni HM 2018 karla á laugardaginn, 25. júlí. Ísland verður í potti 2 í drættinum. Drátturinn mun fara fram í St Pétursborg í Rússlandi en lokakeppni HM fer einmitt fram í landinu árið 2018.
20. júlí 2015
Það styttist í lokakeppni EM 2016 sem haldin verður í Frakklandi. Í vor gafst fólki kostur á að sækja um miða á lokakeppnina í gegnum vef mótsins en síðan verður dregið úr umsóknum. Drátturinn fer fram í ágúst þrátt fyrir að ekki sé dregið í riðla mótsins fyrr en í desember.
20. júlí 2015
Meðfylgjandi er U17 landsliðshópur Íslands sem leikur á Norðurlandamótinu í ár og verður haldið í Svíþjóð í byrjun ágúst.
