Valmynd
Valmynd
25. júní 2015
Íslensku stelpurnar í U17 léku í kvöld annan leik sinn í úrslitakeppni EM U17 kvenna.  Leikið var gegn Englandi á Akranesi og höfðu gestirnir betur, 1 - 3. Annað tap Íslands á mótinu og ljóst að liðið kemst ekki í undanúrslitin að þessu sinni.  Baráttan er hinsvegar hörð í A-riðli en England og Spánn hafa fjögur stig en Þýskaland er með þrjú.
24. júní 2015
Lokamót U17 kvenna heldur áfram á morgun en leikirnir sem áttu að fara fram á Víkingsvelli hafa verið færðir á Laugardalsvöll vegna vallaraðstæðna.
23. júní 2015
Vegna vallaraðstæðna á Víkingsvelli hefur verið ákveðið að færa þá tvo leiki í úrslitakeppni EM U17 kvenna sem þar áttu að fara fram, og hafa þeir leikir nú verið settir á Laugardalsvöll. Um er að ræða tvo leiki í B-riðli fimmtudaginn 25. júní.
23. júní 2015
Einn mikilvægur þáttur á lokamóti eins og U17 kvenna er dómgæslan. Það eru margir dómarar sem dæma á mótinu en þeir koma víðsvegar af úr heiminum. Á mótinu er dómurum blandað saman, þ.e. dómarar frá mismundi löndum dæma saman en ekki koma tríó frá sama landi.
23. júní 2015
Kæru vinir.  Fyrir hönd KSÍ er það mér sönn ánægja að bjóða alla gesti hjartanlega velkomin til okkar lands til að taka þátt í úrslitakeppni EM U17 landsliðs kvenna.
22. júní 2015
Noregur og Sviss gerðu 2 - 2 jafntefli í kvöld í seinni leik B riðils úrslitakeppni U17 kvenna en leikið var á Kópavogsvelli.  Næstu leikir riðilsins fara fram á Víkingsvelli á fimmtudaginn en þá mætast Írland og Sviss kl. 13:00 en Frakkland og Noregur kl. 17:00.
22. júní 2015
Þýskaland lagði Ísland að velli í fyrstu umferð úrslitakeppni EM U17 kvenna en leikið var í Grindavík í kvöld.  Lokatölur urðu 0 - 5 eftir að staðan hafði verið 0 -2 í leikhléi.  Ísland mætir Englandi á Akranesi á fimmtudaginn kl. 19:00 og fyrr um daginn, eða kl. 13:00, mætast Þýskaland og Spánn einnig á Akranesi.
22. júní 2015
Síminn er einn af samstarfsaðilum KSÍ og UEFA vegna EM U17 kvenna og mun Síminn styrkja ÍF og Special Olympics um ákveðna upphæð á hvern áhorfenda sem mætir á leiki í mótinu.  Fólk er því hvatt til þess að standa saman að því að vel verði mætt á leikina, styðja við liðin sem leika og um leið hjálpa Símanum að styrkja gott verkefni.
22. júní 2015
Úrslitakeppni EM U17 kvenna hófst í dag með tveimur leikjum sem hófust báðir kl 13:00.  Á Kópavogsvelli lögðu Frakka Íra með einu marki gegn engu.  Í Grindavík mættust England og Spánn og lauk leiknum með jafntefli, 1 - 1.
20. júní 2015
Úrslitakeppni Evrópumóts U17 kvenna hefst á Íslandi á mánudaginn, 22. júní, en leikið er í Reykjavík, Kópavogi Grindavík, og Akranesi. Á mótinu leika efnilegustu knattspyrnukonur Evrópu og má því búast við spennandi og skemmtilegu móti.
18. júní 2015
Kaupendur miða á Holland-Ísland í undankeppni EM A landsliða karla 2016 athugið: Afhendingu miða, sem átti að hefjast í dag, seinkar.  Miðarnir eru ekki komnir í hús, eru á leiðinni, og vonandi verður allt tilbúið í næstu viku.  Fylgist með hér á síðunni.
18. júní 2015
Úlfar Hinriksson hefur valið hóp leikmanna til að taka þátt í Norðurlandamóti U17 kvenna sem fram fer í Kolding í Danmörku, 28. júní – 5. júlí. Hópurinn kemur saman til æfinga laugardaginn 27. júní og verður staðsetning og tímasetning tilkynnt síðar.
18. júní 2015
Undankeppni EM U17 kvenna hefst á mánudag og eru leikstaðirnir þennan fyrsta leikdag Kópavogsvöllur og Grindavíkurvöllur. Fyrir hvern einasta leik í mótinu verður boðið upp á knattþrautir, hoppukastala, grillaðar pylsur og fleira skemmtilegt.
16. júní 2015
Sumarfjarnám 1. og 2. stigs þjálfaramenntunar ÍSÍ mun hefjast mánudaginn 29. júní nk. og tekur það átta vikur á 1. stigi en fimm vikur á 2. stigi.
16. júní 2015
Eins og kynnt hefur verið fer úrslitakeppni EM U17 kvenna fram hér á landi dagana 22. júní til 4. júlí.  Knattspyrnuáhugafólki gefst þarna tækifæri til að sjá efnilegustu knattspyrnukonur álfunnar leika listir sínar. Aðgangur að öllum leikjum er ókeypis.  
15. júní 2015
Úlfar Hinriksson landsliðsþjálfari U17 kvenna hefur valið 18 leikmenn til að spila fyrir Íslands hönd í úrslitakeppni EM sem fram fer á íslandi 22. Júní – 4. Júlí.
12. júní 2015
Ísland vann í kvöld frábæran 2-1 sigur á Tékkum í undankeppni EM. Leikurinn var uppgjör efstu liðanna í riðlinum en með sigrinum komst Ísland í toppsæti riðilsins.
12. júní 2015
Landsliðsþjálfararnir Heimir Hallgrímsson og Lars Lägerback hafa tilkynnt byrjunarliðið gegn Tékklandi.
