Valmynd
Valmynd
9. mars 2011
Karlalandslið Íslands féll um eitt sæti á nýjum styrkleikalista FIFA sem birtur var í dag. Ísland er því í 115. sæti listans. Heimsmeistarar Spánar eru sem fyrr í efsta sæti listans og Hollendingar í öðru sæti.
9. mars 2011
Stelpurnar í íslenska landsliðinu báðu í dag lægri hlut gegn stöllum sínum frá Bandaríkjunum þegar leikið var til úrslita á Algarvemótinu. Lokatölur urðu 4 - 2 fyrir efsta liði styrkleikalista FIFA en staðan var jöfn í leikhléi, 2 - 2.
9. mars 2011
Leyfiskerfi KSÍ nær ekki til félaga í 2. deild karla, en engu að síður óskuðu Njarðvíkingar eftir því að undirgangast kerfið. Skemmst er frá því að segja að Njarðvík uppfyllir allar kröfur reglugerðarinnar sem gerðar eru til félaga í 1. deild karla.
9. mars 2011
Fyrsti fundur leyfisráðs í leyfisferlinu fyrir keppnistímabilið 2011 fór fram á þriðjudag.  Ráðið fór yfir leyfisgögn allra félaga og tók ákvörðun um að veita 13 umsækjendum af 24 þátttökuleyfi. Ákveðið var að gefa öðrum félögum frest til hádegis mánudaginn 14. mars til að klára útistandandi atriði, en þá kemur leyfisráð saman að nýju.
8. mars 2011
Sigurður Ragnar Eyjólfsson, landsliðsþjálfari, hefur tilkynnt byrjunarliðið sem mætir Bandaríkjunum kl. 17:00 á morgun.  Um er að ræða sjálfan úrslitaleikinn á Algarve Cup og er þetta í fyrsta skiptið sem Ísland kemst svo langt á þessu geysisterka móti.   Ein breyting er á byrjunarliðinu frá því í síðasta leik,
8. mars 2011
Landsliðsþjálfararnir, Gunnar Guðmundsson og Kristinn R. Jónsson, hafa valið hópa hjá U17 og U19 karla til æfinga um komandi helgi. Æfingarnar verða í Kórnum og Egilshöllinni en tveir hópar verða á ferðinni hjá U17 karla.
7. mars 2011
Íslenska kvennalandsliðið gerði sér lítið fyrir í dag og lagði það danska í síðasta leik liðsins á Algarve Cup.  Ísland tryggði sér þar með sigur í B riðli og í leiðinni sæti í úrslitaleik mótsins gegn Bandaríkjunum.  Þetta er besti árangur sem Ísland hefur náð til þessa á þessu móti.
7. mars 2011
Knattspyrnudeild Íþróttafélags Reykjavíkur óskar eftir að ráða aðstoðarþjálfara fyrir 5. flokk karla. Hlutverk aðstoðarþjálfara verður að aðstoða þjálfara 5. flokks karla og fylgja flokknum í öll þau verkefni sem flokkurinn tekur þátt í. Umsækjandi verður að hafa KSÍ III eða hafa þónokkura starfsreynslu í þjálfun yngri flokka. Allar umsóknir skulu sendast á irknattspyrna@hotmail.com
6. mars 2011
Sigurður Ragnar Eyjólfsson, landsliðsþjálfari, hefur tilkynnt byrjunarliðið er mætir Dönum á Algarve á morgun, mánudaginn 7. mars, kl. 15:00.  Sigurður gerir tvær breytingar frá því í sigurleiknum gegn Kína á föstudaginn.
4. mars 2011
Íslensku stelpurnar lögðu þær kínversku í dag í öðrum leik liðsins á Algarve Cup og urðu lokatölur þær sömu og gegn Svíum. 2 -1. Margrét Lára Viðarsdóttir skoraði bæði mörk Íslands í leiknum. Síðasti leikur Íslands er gegn Dönum á mánudaginn og dugar Íslendingum jafntefli til þess að komast í úrslitaleikinn gegn Bandaríkjunum.
4. mars 2011
Um helgina fer fram árleg landsdómararáðstefna sem er hluti af undirbúningi dómara fyrir komandi keppnistímabil. Að þessu sinni fer ráðstefnan fram í Reykjavík og Úthlíð í Biskupstungum. Sérstakur gestafyrirlesari á ráðstefnunni að þessu sinni er Rússinn Valentin Ivanov, fyrrum dómari og núverandi dómaraleiðbeinandi hjá UEFA.
3. mars 2011
Sigurður Ragnar Eyjólfsson, landsliðsþjálfari, hefur tilkynnt byrjunarliðið sem mætir Kínverjum á Algarve.  Þetta er annar leikur liðsins í keppninni en sigur vannst á Svíum í fyrsta leiknum, 2 - 1.  Sigurður gerir þrjár breytingar á byrjunarliðinu frá síðasta leik.
3. mars 2011
Sigurður Ragnar Eyjólfsson, landsliðsþjálfari, hefur valið Berglindi Björg Þorvaldsdóttur úr ÍBV inn í hópinn sem tekur nú þátt á Algarve Cup. Berglind fyllir skarðið sem Kristín Ýr Bjarnadóttir skilur eftir sig en hún á við meiðsli að stríða.
3. mars 2011
Það líður að lokum leyfisferlisins fyrir keppnistímabilið 2011.  Leyfisumsækjendur hafa fengið lokaathugasemdir við gögn og vinna nú af kappi að úrbótum þar sem við á.  Leyfisráð kemur saman til ákvarðanatöku þriðjudaginn 8. mars kl. 17:00.
2. mars 2011
Íslendingar fengu sannkallaða óskabyrjun á Algarve Cup þetta árið en stelpurnar unnu frábæran sigur á Svíum í fyrsta leik sínum á mótinu.  Lokatölur urðu 2 - 1 fyrir Íslendinga eftir að jafnt hafði verið í leikhléi, 1 - 1.  Það voru Margrét Lára Viðarsdóttir og fyrirliðinn, Katrín Jónsdóttir, sem skoruðu mörk Íslands í leiknum. Danir unnu Kínverja í hinum leik riðilsins í dag, 1 - 0. Þetta er fyrsti sigur A landsliðs kvenna á Svíum en þetta var 10. viðureign þjóðanna.
2. mars 2011
Að venju koma dómarar á Algarve Cup víða að en dómari í leik Íslands og Svíþjóðar í dag kemur frá Japan líkt og annar aðstoðardómaranna.  Leikurinn hefst kl. 15:00 að íslenskum tíma.  Dómarar leiksins eru eftirfarandi:
1. mars 2011
Kvennalandsliðið kom í nótt til Algarve en þar tekur það þátt í hinu geysisterka Algarve Cup.  Fyrsti leikur liðsins er á morgun, miðvikudag, gegn Svíum og hefst leikurinn kl. 15:00.  Aðstæðurnar á Algarve eru frábærar, hótelið glæsilegt í alla staði og æfingavellirnir í mjög góðu standi.
1. mars 2011
Það er kominn sá tími ársins að karlmenn landsins hætta að raka þá grön sem sprettur ofan við efri vör til að sýna stuðning við árveknisátakið Mottumars.  Knattspyrnuhreyfingin lætur sitt ekki eftir liggja í þessari baráttu og eru allir þeir sem vettlingi geta valdið hvattir til að sýna stuðning í verki.
