Valmynd
Valmynd
9. febrúar 2011
Laugardaginn 12. febrúar næstkomandi fer fram 65. ársþing KSÍ á Hótel Hilton Nordica.  Alls hafa 135 fulltrúar rétt til setu á þinginu, en nú þegar hefur kjörbréfum verið skilað fyrir 120 fulltrúa. 
8. febrúar 2011
Um komandi helgi verða öll kvennalandsliðin við æfingar og hafa landsliðsþjálfararnir, Þorlákur Árnason, Ólafur Þór Guðbjörnsson og Sigurður Ragnar Eyjólfsson, valið leikmenn á þessar æfingar.  Tveir hópar verða á ferðinni hjá U17 kvenna en hópana má sjá hér að neðan.
7. febrúar 2011
Starfsemi KSÍ er mikil og sífellt að aukast.  Árið 2010 var metár í fjölda liða í keppni og fjölda leikja, fræðslustarfsemi fyrir þjálfara og dómara var viðameiri en nokkru sinni fyrr.  Frammistaða yngri landsliða okkar gefur góð fyrirheit um framtíðina.
7. febrúar 2011
Mánudaginn 21. febrúar fer af stað KSÍ VII þjálfaranámskeið en það er lokastigið í KSÍ A þjálfaragráðunni. Farið verður yfir námskeiðið á fundi í höfuðstöðvum KSÍ. Þjálfarar þurfa að skrá sig í síðasta lagi fimmtudaginn 17. febrúar. Þátttökurétt hafa allir þjálfarar sem skráðir eru með 6. stigs þjálfararéttindi eða E stig-sérnámskeið.
4. febrúar 2011
Knattspyrnusamband Íslands (KSÍ)  birtir nú ársreikning sinn fyrir árið 2010. Rekstrartekjur KSÍ á árinu 2010 námu 723 milljónum króna samanborið við 703 milljónir króna á árinu 2009.  Hækkun rekstrartekna skýrist fyrst og fremst af hækkun sjónvarpstekna og auknu framlagi frá FIFA.  Rekstrarkostnaður KSÍ var undir áætlaðri upphæð eða um 656 milljónir króna.
4. febrúar 2011
Keflavík hefur skilað fjárhagslegum leyfisgögnum sínum, fyrst félaga í Pepsi-deild. Félag í efstu deild hefur aldrei áður skilað fjárhagsgögnum svo snemma, enda er skiladagur þeirra gagna að öllu jöfnu 20. febrúar, samkvæmt leyfisreglugerð.
3. febrúar 2011
Í dag var dregið í riðla í undankeppni EM 2013 hjá U21 karla og fór drátturinn fram í höfuðstöðvum UEFA.  Ísland er í riðli 8 ásamt Englandi, Belgíu, Noregi og Aserbaídsjan.  Keppnin hefst núna í haust en leikdagar verða tilbúnir fljótlega.
3. febrúar 2011
Í dag verður dregið í undankeppni EM 2013 hjá U21 karla en dregið verður í höfuðstöðvum UEFA í Sviss.  Úrslitakeppnin fer fram að þessu sinni í Ísrael 2013.  Þjóðirnar verða 52 í hattinum og verða þær dregnar í 10 riðla.  Tveir riðlanna verða skipaðir 6 liðum og átta riðlar verða með 5 lið.
3. febrúar 2011
Kristinn Jakobsson er þessa dagana á Kýpur þar sem hann situr ráðstefnu bestu dómara UEFA, "UEFA Elite". Ganga dómarnir í gegnum ýmis próf á meðan ráðstefnunni stendur en þarna er UEFA að undirbúa dómara sína fyrir næstu verkefni í Meistaradeild UEFA og Evrópudeild UEFA.
2. febrúar 2011
Námskeiðið er haldið af KSÍ í samvinnu við ÍR í ÍR heimilinu mánudaginn 7. febrúar. Hefst námskeiðið kl. 18:30 og stendur í 2,5 klst.
1. febrúar 2011
Landsliðsþjálfararnir, Gunnar Guðmundsson og Kristinn R. Jónsson, hafa valið leikmenn til æfinga um komandi helgi hjá U17 og U19 karla.  Tveir hópar verða á ferðinni hjá U17 karla en æfingarnar verða í Kórnum og í Egilshöllinni.
1. febrúar 2011
Ársþing KSÍ, það 65. í röðinni, verður haldið á Hilton Nordica Hótel 12. febrúar næstkomandi.  Hér að neðan má sjá þær tillögur er liggja fyrir þinginu sem og dagskrá þingsins sem sett verður kl. 11:00.
1. febrúar 2011
Framboð til stjórnar KSÍ skal skv. 15. grein laga KSÍ berast skrifstofu KSÍ minnst hálfum mánuði fyrir þing. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.  Hér fyrir neðan er gerð grein fyrir þeim framboðum sem tilkynnt voru til skrifstofu KSÍ hálfum mánuði fyrir þing 
31. janúar 2011
Vegna forfalla þá eru ennþá nokkur sæti laus í ferð á vegum norska Knattspyrnuþjálfarafélagsins til Englands.  Þeir sem áhuga hafa á að fara er bent á að hafa samband beint við Teddy Moen sem allra fyrst.
28. janúar 2011
Næsti súpufundur KSÍ verður haldinn fimmtudaginn 3. febrúar. Að þessu sinni mun Valgeir Skagfjörð frá Regnbogabörnum halda erindi um einelti og knattspyrnu. Aðgangur er ókeypis og opinn öllum áhugasömum en þó þarf að skrá sig með því að senda tölvupóst á dagur@ksi.is og taka fram nafn, kennitölu og netfang
27. janúar 2011
Á hinni umfangsmiklu heimasíðu UEFA má nú finna viðtal við formann KSÍ, Geir Þorsteinsson, en þar ræðir hann um árangur U21 karla og þróun ungra leikmanna.  Árangur U21 karlalandsliðsins hefur vakið athygli víða og ljóst að margir bíða spenntir eftir því að úrslitakeppnin hefjist í Danmörku 11. júní næstkomandi.
27. janúar 2011
Knattspyrnusambönd Íslands og Englands hafa komist að samkomulagi um að karlalandslið þjóðanna, skipuð leikmönnum 21 árs og yngri, leiki vináttulandsleik mánudaginn 28. mars næstkomandi.  Leikurinn mun fara fram í Englandi á heimavelli Preston North End
27. janúar 2011
Miðasala á leiki úrslitakeppni EM U21 karla er hafin en þar er Ísland á meðal átta þátttökuþjóða.  Mótið fer fram dagana 11. – 25. júní og leikur Ísland í A riðli.  Leikir A riðils fara fram í Árósum og Álaborg. Hægt er að panta miða á leiki Íslands hjá KSÍ og skal senda pantanir á ragnheidur@ksi.is fyrir 1. mars nk. til að tryggja miða.
