Valmynd
Valmynd
5. nóvember 2010
Íslenskir dómarar hafa hafið undirbúning sinn fyrir næsta keppnistímabil en formlegar æfingar hófust nú 1. nóvember. Líkt og áður eru KSÍ og Háskólinn í Reykjavík í samstarfi varðandi þjálfun og undirbúning dómara og er mikil ánægja með þetta samstarf.
5. nóvember 2010
Í dag var gengið frá ráðningu Willums Þórs Þórssonar sem landsliðsþjálfara Íslands í Futsal.  Ísland sendir í fyrsta skiptið landslið til keppni í Futsal og leikur í undankeppni Evrópumóts landsliða.  Riðill Íslands verður leikinn á Ásvöllum, dagana 21. - 24. janúar.  Með Íslandi í riðli leika Grikkland, Armenía og Lettland.
3. nóvember 2010
Kristinn Jakobsson dómari mun dæma vináttulandsleik á milli Írlands og Noregs, miðvikudaginn 17. nóvember næstkomandi. Honum til aðstoðar verða þeir Gunnar Sverrir Gunnarsson og Frosti Viðar Gunnarsson. Leikurinn fer fram á Aviva vellinum í Dublin.
2. nóvember 2010
Um komandi helgi verða æfingar hjá landsliðum U17 og U19 karla og fara þær fram í Egilshöllinni og Kórnum. Þjálfararnir Gunnar Guðmundsson og Kristinn R. Jónsson hafa valið 90 leikmenn til þessara æfinga en tveir hópar eru valdir hjá U17.
2. nóvember 2010
Næstkomandi laugardag mun fara fram landsliðsæfing í Fjarðabyggðahöllinni hjá landsliði U17 kvenna. Þorlákur Árnason, landsliðsþjálfari U17 kvenna, hefur valið leikmenn af Austurlandi fyrir þessa æfingu og koma þeir frá sex félögum.
2. nóvember 2010
Í tilefni af 40 ára afmæli Knattspyrnuþjálfarafélags Íslands blæs félagið til afmælisráðstefnu í samvinnu við KSÍ.  Ráðstefnan fer fram í höfuðstöðvum KSÍ, laugardaginn 13. nóvember og hefst kl. 10:00. Um kvöldið verður svo blásið til afmælisveislu.
1. nóvember 2010
Stjórn KSÍ samþykkti á fundi sínum síðasta föstudag nýja leyfisreglugerð KSÍ. Í kjölfar samþykktarinnar hefur reglugerðin verið lögð fyrir UEFA og þegar það liggur fyrir verður reglugerðin gefin út og kynnt ítarlega fyrir aðildarfélögum KSÍ.
1. nóvember 2010
Michel Platini, forseti UEFA, kom víða við í stuttri heimsókn hingað til lands í síðasta mánuði. Hann heimsótti höfuðstöðvar KSÍ, átti fund með Katrínu Jakobsdóttur ráðherra íþróttamála og heimsótti knattspyrnuhallir í Kópavogi.
1. nóvember 2010
Þrír íslenskir dómarar eru þessa dagana í Sviss þar sem þeir sækja námskeið fyrir unga og efnilega dómara. Er hér um að ræða áætlun um þjálfun og menntun dómara á aldrinum 25. - 30 ára. Þetta eru dómarinn Gunnar Jarl Jónsson og aðstoðardómararnir, Birkir Sigurðarson og Gylfi Már Sigurðsson.
1. nóvember 2010
Helgina 5.-7. nóvember mun KSÍ standa fyrir 5. stigs þjálfaranámskeiði. Námskeiðið er upphafið að KSÍ A (UEFA A) þjálfaragráðu. Seta á þessu námskeiði framlengir einnig gildistíma KSÍ B skírteinis (UEFA B skírteinis) um þrjú ár.
29. október 2010
Dregið verður í milliriðla EM hjá U17 og U19 kvenna þann 16. nóvember næstkomandi. Við sama tækifæri verður dregið í undankeppni EM U17 og U19 kvenna sem fram fer 2011/2012. Ísland er í efsta styrkleikaflokki hjá U17 kvenna og í öðrum styrkleikaflokki hjá U19 kvenna.
27. október 2010
Unglingadómaranámskeið verður haldið í Grunnskólanum á Reyðarfirði sunnudaginn 7. nóvember kl. 14:30. Um að ræða tveggja og hálfs tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.
26. október 2010
KSÍ boðar til fundar formanna og framkvæmdastjóra aðildarfélaga laugardaginn 20. nóvember í höfuðstöðvum KSÍ á Laugardalsvelli og hefst kl. 12:00.  Kl. 14.00 verður dregið í töfluröð í Pepsi-deild, 1. og 2. deild karla og Pepsi-deild kvenna á sama stað.
26. október 2010
Strákarnir í U19 töpuðu lokaleik sínum í undankeppni EM en riðill þeirra var leikinn í Wales. Síðasti leikurinn var gegn Tyrkjum sem að fóru með sigur af hólmi, 2 - 1. Íslenska liðið hafnaði því í þriðja sæti og komast ekki áfram í milliriðla.
25. október 2010
KSÍ mun halda ráðstefnu um þjálfun barna föstudaginn 12. nóvember næstkomandi.  Aðalfyrirlesari verður Ian Bateman tækniþjálfari frá enska knattspyrnusambandinu.  Ian mun verða með bóklegan fyrirlestur og verklegar æfingar.  Aðgangur að ráðstefnunni er ókeypis og öllum opin.
25. október 2010
Um komandi helgi fara fram æfingar hjá U17 og U19 kvennalandsliðum Íslands og verður æft í Kórnum og í Egilshöll.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið hópa sína og eru tæplega 60 leikmenn boðaðir á þessar æfingar.
25. október 2010
Strákarnir í U19 leika lokaleik sinn í undankeppni EM í dag þegar þeir mæta Tyrkjum.  Riðillinn er leikinn í Wales og hefst leikurinn kl. 16:00 að íslenskum tíma.  Íslenska liðið þarf á sigri að halda til þess að tryggja sér sæti í milliriðlum keppninnar.
23. október 2010
Strákarnir í U19 biðu lægri hlut gegn Wales í undankeppni EM en leikið var í Wales. Lokatölur urðu 2 - 1 fyrir heimamenn eftir að Íslendingar höfðu leitt í leikhléi. Lokaleikur Íslands verður á mánudaginn þegar mótherjarnir verða Tyrkir.
