Valmynd
Valmynd
9. ágúst 2010
Úrtökumót stúlkna 2010 fer fram að Laugarvatni dagana 13.-15. ágúst og eru stúlkur sem taka þátt í ár fæddar 1995. Smellið hér að neðan til að skoða nánari upplýsingar, nafnalista, dagskrá og ýmislegt annað.
9. ágúst 2010
Steinþór Freyr Þorsteinsson hefur dregið sig út úr landsliðshópnum fyrir vináttulandsleikinn við Liechtenstein á miðvikudag vegna meiðsla. Í hans stað hefur Ólafur Jóhannesson landsliðsþjálfari valið Ólaf Pál Snorrason.
6. ágúst 2010
Strákarnir í U17 tókust á við Englendinga í dag en þetta var lokaleikur liðsins í riðlakepni Norðurlandamótsins sem fram fer í Finnlandi. Lokatölur urðu 2 - 1 Englendingum í vil og kom sigurmark þeirra á lokasekúndum í uppbótartíma leiksins.
6. ágúst 2010
Í tengslum við úrslitaleiki í VISA bikarkeppni karla og kvenna mun Knattspyrnuþjálfarafélag Íslands í samstarfi við Knattspyrnusamband Íslands standa fyrir ráðstefnu.  Undanfarin ár hafa þessir viðburðir verið afar vel sóttir af þjálfurum.  Í ár verður ráðstefnan haldin sameiginleg á laugardaginn 14. ágúst í húsakynnum KSÍ í Laugardal.   Ráðstefnan er öllum opin.
6. ágúst 2010
Strákarnir í U17 leika í dag síðasta leik sinn í riðlakeppni Norðurlandamótsins sem fer fram í Finnlandi þessa dagana. Mótherjarnir í dag er jafnaldrar þeirra frá Englandi en þeir ensku hafa unnið báða leiki sína til þessa og eru í efsta sæti riðilsins.
5. ágúst 2010
Þjóðverjar hafa tilkynnt hópinn er mætir Íslendingum í mikilvægum leik undakeppni EM 2011. Leikið verður í Kaplakrika, miðvikudaginn 11. ágúst kl. 16:15 og hafa Þjóðverjar tilkynnt hóp sem telur 21 leikmann.
5. ágúst 2010
Strákarnir í U17 unnu sætan sigur á Finnum á Norðurlandamótinu sem fram fer í Finnlandi þessa dagana. Leiknum lauk með 2 -1 sigri Íslands en það voru heimamenn sem leiddu í leikhléi. Íslensku strákarnir komu svo sterkir inn í seinni hálfleikinn og tryggðu sér sigur með tveimur mörkum frá Fjalari Erni Sigurðarsyni og Arnari Aðalgeirssyni.
4. ágúst 2010
Strákarnir í U17 mæta gestgjöfum Finna á Norðurlandamótinu í dag og hefst leikurinn kl. 15:30. Þetta er annar leikur strákanna á mótinu en þeir biðu lægri hlut gegn Dönum í gær, 3 - 0, eftir að staðan hafði verið markalaus í leikhléi.
3. ágúst 2010
Knattþrautir KSÍ eru komnar á fullt eftir stutt hlé í síðustu viku.  Einar Lars er nú á Norðurlandi og leyfir hressum knattspyrnukrökkum í 5. flokki að spreyta sig á þrautunum.  Hér að neðan má sjá dagskrá næstu daga.
3. ágúst 2010
Eyjólfur Sverrisson, landsliðsþjálfari U21 karla, hefur valið hóp sinn er mætir Þjóðverjum í undankeppni fyrir EM 2011. Leikurinn fer fram á Kaplakrikavelli, miðvikudaginn 11. ágúst kl. 16:15.
3. ágúst 2010
Ólafur Jóhannesson, landsliðsþjálfari, tilkynnti í dag þá 18 leikmenn sem mæta Liechtenstein í vináttulandsleik á Laugardalsvelli, miðvikudaginn 11. ágúst kl. 19:30. Miðasala á leikinn opnaði í dag en sem fyrr fer salan fram í gegnum miðasölukerfi hjá midi.is.
3. ágúst 2010
Íslensku stelpurnar mæta þeim frönsku í undankeppni fyrir HM 2011 en leikurinn fer fram á Laugardalsvellinum, laugardaginn 21. ágúst kl. 16:00. Þetta er síðasti heimaleikur Íslands í undankeppninni og sá mikilvægasti til þessa því góður sigur fleytir íslenska liðinu í efsta sæti riðilsins. Miðasala á þennan leik var opnuð í dag
3. ágúst 2010
Strákarnir í U17 hefja leik í dag á Norðurlandamótinu sem fram fer í Finnlandi. Fyrstu mótherjar Íslendinga verða Danir og hefst leikurinn kl. 15:30 að íslenskum tíma. Gunnar Guðmundsson, landsliðsþjálfari, hefur tilkynnt byrjunarlið sitt í leiknum í dag.
29. júlí 2010
Hans-Peter Zaugg, landsliðsþjálfari Liechtenstein, hefur tilkynnt landsliðshóp sinn er mætir Íslendingum í vináttulandsleik á Laugardalsvelli, 11. ágúst næstkomandi. Þetta er síðasti undirbúningsleikur íslenska liðsins áður en undankeppni EM 2012 en þar hefja Íslendingar leik gegn Noregi.
28. júlí 2010
Fjölmargir leikir eru á dagskránni í kvöld og þ.á.m. er heil umferð í 1. deild karla.  Á leik HK og Gróttu á Kópavogsvelli verður norskur dómari við stjórnvölinn en hann heitir Håvard Hakestad.  Er þetta hluti af samstarfi knattspyrnusambanda Norðurlandanna um dómaraskipti.
27. júlí 2010
Egil Olsen, landsliðsþjálfari Noregs, hefur tilkynnt leikmannahópinn er mætir Frökkum í vináttulandsleik, miðvikudaginn 11. ágúst í Noregi.  Norðmenn eru sem kunnugt er, fyrstu mótherjar okkar Íslendinga í undankeppni fyrir EM 2012.  Íslendingar mæta Liechtenstein í vináttulandsleik á Laugardalsvelli sama dag.
27. júlí 2010
Kristinn Jakobsson verður í eldlínunni í dag en þá dæmari hann leik PFC Lovech frá Búlgaríu og MSK Zilina frá Slóvakíu í Meistaradeild UEFA og verður leikið í Lovech í Búlgaríu. Kristni til aðstoðar verða þeir Sigurður Óli Þorleifsson og Jóhann Gunnar Guðmundsson. Varadómari er Erlendur Eiríksson.
27. júlí 2010
Þessa vikuna eru knattþrautir KSÍ ekki á ferðinni en Einar Lars tekur upp þráðinn að nýju strax eftir helgi og heimsækir nokkur félög á Norðurlandi í næstu viku en dagskrá vikunnar er hér að neðan.
