Valmynd
Valmynd
6. september 2009
Davíð Þór Viðarsson úr FH hefur verið kallaður inn í hópinn fyrir vináttulandsleik gegn Georgíu næstkomandi miðvikudag á Laugardalsvöllinn. Landsliðsþjálfarinn, Ólafur Jóhannesson, kallaði á Davíð Þór eftir að Ragnar Sigurðsson hafði fengið leyfi frá leiknum af persónulegum ástæðum.
6. september 2009
Stelpurnar í U17 kvenna verða í eldlínunni í dag þegar þær mæta Frökkum í öðrum leik sínum í riðlakeppni EM sem fram fer hér á landi. Leikurinn fer fram í Grindavík og hefst kl. 13:00. Á sama tíma mætast í Keflavík, Ísrael og Þýskaland.
5. september 2009
Ólafur Jóhannesson, landsliðsþjálfari, hefur valið þá Baldur Sigurðsson úr KR og Bjarna Ólaf Eiríksson úr Val í landsliðshóp sinn fyrir vináttulandsleikinn gegn Georgíu á miðvikudaginn. Koma þeir í stað Sölva Geirs Ottesen, Eiðs Smára Guðjohnsen og Brynjars Bjarnar Gunnarssonar.
5. september 2009
Í hálfleik á leik Íslands og Noregs fengu reyndu þrír vallargestir að hitta markslána frá vítateig, í einni tilraun, og vinningurinn var ekki af verri endanum - flugferð fyrir tvo til útlanda, til áfangastaðar Icelandair.  Til að gera langa sögu stutta, þá gerðist hið ótrúlega! 
5. september 2009
Handhafar A-passa frá KSÍ fá aðgöngumiða á leikinn Ísland – Georgía afhenta þriðjudaginn 8. september frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
5. september 2009
KSÍ hefur ákveðið að bjóða yngri iðkendum aðildarfélaga sinna, ókeypis aðgang að vináttulandsleik Íslands og Georgíu sem fram fer á Laugardalsvelli 9. september næstkomandi kl. 19:30. 
5. september 2009
Íslendingar og Norðmenn gerðu jafntefli í kvöld á Laugardalsvellinum og lauk þar með íslenska liðið keppni í undankeppni HM 2010.  Lokatölur urðu 1 - 1 og komu bæði mörkin í fyrri hálfleik.  Íslenska liðið var töluvert sterkari aðilinn í leiknum en náði ekki nýta nema eitt af fjölmörgum marktækifærum.
5. september 2009
Ólafur Jóhannesson, landsliðsþjálfari, hefur tilkynnt byrjunarlið sitt er mætir Norðmönnum kl. 18:45 á Laugardalsvellinum. Enn eru til miðar á leikinn en miðasala fer fram á Laugardalsvellinum. Völlurinn sjálfur opnar kl. 17:30. Áhorfendur eru hvattir til þess mæta tímanlega á völlinn til þess að forðast örtröð skömmu fyrir leik.
5. september 2009
Þann 14. september næstkomandi verða haldnir styrktartónleikar í Háskólabíói fyrir litla hetju, Alexöndru Líf Ólafsdóttur, sem greindist með hvítblæði árið 2005, aðeins 5 ára gömul.  Liðsmenn A-landsliðs karla tóku sig til og árituðu landsliðstreyju sem þeir gáfu Alexöndru Líf. 
4. september 2009
Magnús Þórisson dæmir á morgun, laugardaginn 5. september, leik Eistlands og Georgíu í undankeppni EM hjá U21 karla.  Leikurinn fer fram í Tallinn og Magnúsi til aðstoðar verða þeir Ólafur Ingvar Guðfinnsson og Áskell Gíslason.  Fjórði dómari verður Þóroddur Hjaltalín.
4. september 2009
Keppni í riðlakeppni EM U17 kvenna hófst í dag og er fyrsti riðillinn leikinn hér á landi.  Íslensku stelpurnar gerðu markalaust jafntefli við Evrópumeistara Þjóðverja á Vodafonevellinum á meðan Frakkar unnu stórsigur á Ísrael á KR vellinum.
4. september 2009
Átta liða úrslitin á EM kvennalandsliða hófust á fimmtudag með fyrri tveimur leikjunum.  Englendingar og Hollendingar komust áfram með því að leggja andstæðinga sína í tveimur hörkuleikjum, en ólíkum þó.
4. september 2009
Þjóðverjar og Norðmenn tryggðu sér í dag, föstudag, sæti í undanúrslitum á EM kvennalandsliða, sem fer eins og kunnugt er fram í Finnlandi. Bæði þessi lið voru með Íslandi í B-riðli og bæði lögðu íslenska liðið með sömu markatölu, 1-0.
4. september 2009
Í hálfleik á viðureign Íslands og Noregs í undankeppni HM 2010, sem fram fer á laugardag, munu þrír heppnir vallargestir Laugardalsvallar fá tækifæri til að spreyta sig í erfiðri þraut. Þeir munu reyna að hitta slána og vinna ferð fyrir tvo til útlanda.
4. september 2009
Eins og kunnugt er mætast Ísland og Noregur á Laugardalsvelli á laugardag kl. 18:45. Þetta er lokaleikur íslenska liðsins í undankeppni HM 2010. Fólk er hvatt til að mæta snemma á völlinn til að lenda ekki í biðröð utan við leikvanginn. Mætum öll í bláum fötum og litum stúkuna bláa!
4. september 2009
FIFA stendur nú fyrir sérstökum háttvísidögum í 13. sinn, en þeir voru fyrst haldnir árið 1997. Að þessu sinni urðu dagarnir 5. til 9. september fyrir valinu, en á því tímabili eru einmitt tveir landsleikjadagar.
4. september 2009
Það verða Rúmenar sem dæma viðureign Íslands og Noregs í undankeppni HM 2010 á laugardag. Leikurinn fer fram á Laugardalsvelli og hefst kl. 18:45. Dómarinn heitir Alexander Tudor.
3. september 2009
Kristinn R. Jónsson, landsliðsþjálfari U19 karla, hefur gert eina breytingu á hóp sínum sem leikur tvo vináttulandsleiki gegn Skotum. Árni Snær Ólafsson úr ÍA kemur inn í hópinn fyrir Arnar Darra Pétursson sem er meiddur.
