Valmynd
Valmynd
11. ágúst 2009
Ólafur Jóhannesson þjálfari hefur gert fjórðu breytinguna á landsliðshópnum sem mætir Slóvökum á Laugardalsvelli á miðvikudag.  Ragnar Sigurðsson er veikur, og í hans stað hefur Ólafur valið Baldur Sigurðsson úr KR.
11. ágúst 2009
UEFA hefur ákveðið hvaða dómarar verða að störfum í úrslitakeppni EM kvennalandsliða, sem fram fer í Finnlandi í ágúst og september. Níu dómarar, tólf aðstoðardómarar og þrír varadómarar munu sjá um dómgæsluna á mótinu.
11. ágúst 2009
Tvö íslensk dómaratríó verða að störfum í vináttulandsleikjum á miðvikudag, annars vegar í Danmörku og hins vegar á Norður-Írlandi.  Jóhannes Valgeirsson dæmir leik Norður-Írlands og Ísraels og Kristinn Jakobsson dæmir viðureign Danmerkur og Chile.
10. ágúst 2009
Dómaratríóið í vináttuleik Íslands og Slóvakíu á miðvikudag kemur frá Danmörku.  Fjórði dómarinn er íslenskur, Gunnar Jarl Jónsson, sem og eftirlitsmaðurinn, Eyjólfur Ólafsson
10. ágúst 2009
Markvörðurinn Árni Gautur Arason og fyrirliðinn Hermann Hreiðarsson geta ekki verið með í vináttulandsleiknum gegn Slóvakíu á miðvikudag og í þeirra stað hafa Hannes Þór Halldórsson markvörður Fram og Bjarni Ólafur Eiríksson leikmaður Vals verið valdir.
10. ágúst 2009
Hvar er mesta fjörið á landsleikjum á Laugardalsvelli?  Hvar á maður að kaupa sér miða ef maður vill komast í brjálaða stemmningu?  Nú það er auðvitað í I-hólfinu, því þar er Tólfan!
7. ágúst 2009
Fjölmiðlamaðurinn góðkunni, Valtýr Björn Valtýsson, hefur farið af stað að nýju með íþróttaþáttinn sinn "Mín Skoðun".  Þátturinn er á dagskrá á útvarpsstöðinni Xið 977 og er á dagskrá á milli 8 og 10 á morgnana, alla virka daga.
7. ágúst 2009
Úrtökumót KSÍ fyrir drengi fædda árið 1994 fer fram að Laugarvatni 14. - 16. ágúst.   Rúmlega 60 leikmenn frá félögum víðs vegar af landinu hafa verið boðaðir.  Smellið hér að neðan til að skoða nánari upplýsingar um mótið.
7. ágúst 2009
Handhafar A-passa frá KSÍ fá aðgöngumiða á leikinn Ísland - Slóvakíu afhenta mánudaginn 10. ágúst frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis. 
7. ágúst 2009
Síðastliðin ár hafa knattspyrnusambönd á Norðurlöndunum haft með sér samstarf um dómaraskipti og hafa þá dómarar ferðast á milli þessara landa og dæmt leiki.  Valgeir Valgeirsson dómari mun á sunnudaginn dæma leik í næst efstu deildinni í Svíþjóð. 
7. ágúst 2009
Ólafur Jóhannesson, landsliðsþjálfari, hefur gert eina breytingu á landsliðshóp sínum er mætir Slóvökum í vináttulandsleik næstkomandi miðvikudag á Laugardalsvelli.  Pálmi Rafn Pálmason kemur inn í hópinn í stað Arnórs Smárasonar sem er meiddur.
7. ágúst 2009
Síðustu tvö ár hafa þær Þóra Tómasdóttir og Hrafnhildur Gunnarsdóttir, fylgt íslenska kvennalandsliðinu eins og skugginn.  Afrakstur þess eltingaleiks er svo hægt að berja augum í Háskólabíói í næstu viku en þá verður frumsýnd heimildarmyndin "Stelpurnar okkar"
5. ágúst 2009
Á fundi dómaranefndar, þann 29. júlí síðastliðinn, var ákveðið að Gunnar Jarl Jónsson yrði hækkaður upp í hóp A-dómara.  Gunnar Jarl, sem er 25 ára, hefur farið hratt upp dómaralistann og er einn af okkar alefnilegustu dómurum í dag.
5. ágúst 2009
Eyjólfur Sverrisson, landsliðsþjálfari U21 karla, tilkynnti í dag hópinn sem mætir Tékkum í undankeppni EM 2011.  Leikurinn fer fram á KR-velli, miðvikudaginn 12. ágúst og hefst kl. 15:30. 
5. ágúst 2009
Sigurður Ragnar Eyjólfsson, landsliðsþjálfari, tilkynnti í dag þá 22 leikmenn sem taka þátt í úrslitakeppni EM í Finnlandi en Ísland leikur sinn fyrsta leik þar 24. ágúst.  Á undan er hinsvegar leikur hér á Laugardalsvelli gegn Serbum í undankeppni HM 2011 en sá leikur fer fram 15. ágúst.
5. ágúst 2009
Kristinn Jakobsson verður á ferðinni á morgun þegar hann dæmir seinni leik hollenska liðsins NAC Breda og pólska liðsins Polonia Varsjá í Evrópudeild UEFA.  Kristni til aðstoðar verða þeir Sigurður Óli Þorleifsson og Oddbergur Eiríksson og fjórði dómari verður Magnús Þórisson.
4. ágúst 2009
Á morgun kl. 12:45 mun Sigurður Ragnar Eyjólfsson tilkynna á blaðamannafundi þá 22 leikmenn sem leika munu í úrslitakeppni EM í Finnlandi.  Þessi hópur mun einnig taka þátt í fyrsta leik liðsins í undankeppni HM 2011 gegn Serbíu á Laugardalsvelli, laugardaginn 15. ágúst.
4. ágúst 2009
Gunnar Einarsson heldur áfram að leyfa krökkum úr 5. flokki að spreyta sig á knattþrautum KSÍ.  Næstu tvær vikur heldur hann sig að mestu á suðvesturhorni landsins en á morgun verða Valsstelpur heimsóttar að Hlíðarenda.
