Valmynd
Valmynd
16. apríl 2009
Norskur dómari við stjórnvölinn á vináttulandsleik Íslands og Hollands.  Hún heitir Ann-Helene Östervold.  Aðstoðardómararnir verða íslenskir, Bryndís Sigurðardóttir og Marína Þórólfsdóttir.  Fjórði dómari verður Vilhjálmur Alvar Þórarinsson.
16. apríl 2009
Oddbergur Eiríksson hefur verið valinn sem einn af aðstoðardómurum í úrslitakeppni EM hjá U17 karla. Úrslitakeppnin fer fram í Þýskalandi dagana 6. - 18. maí. Fjórtán dómarar hafa verið valdir til að starfa við úrslitakeppnina.
16. apríl 2009
Unglingadómaranámskeið hjá Hetti verður haldið í fyrirlestrarsal ME 22. apríl kl. 16:30. Um að ræða tveggja tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál.
15. apríl 2009
Það styttist í næsta verkefni stelpnanna okkar í A-landsliði kvenna. Þær mæta Hollendingum í vináttulandsleik í Kórnum 25. apríl næstkomandi og er þetta í fyrsta sinn sem A-landslið kvenna leikur í Kórnum.
15. apríl 2009
Eins og kunnugt er leikur A-landslið kvenna í úrslitakeppni EM 2009, sem fram fer í Finnlandi í ágúst og september. Miðasala á keppnina mun senn hefjast og fær KSÍ úthlutað ákveðnum fjölda miða á hvern leik íslenska liðsins.
14. apríl 2009
Unglingadómaranámskeið hjá Gróttu verður haldið í Íþróttamiðstöðinni á Seltjarnarnesi 20. apríl kl. 20:00. Áhersla er lögð á knattspyrnulögin, reglugerðir í 7 manna bolta og ýmis hagnýt mál.
14. apríl 2009
Ólafur Þór Guðbjörnsson, þjálfari U19 landsliðs kvenna, hefur tilkynnt leikmannahópinn fyrir milliriðil EM sem fram fer í Póllandi dagana 23. - 28. apríl. Átján leikmenn eru í hópnum, sem fer til Póllands 21. apríl.
14. apríl 2009
Laugardaginn 18. apríl verður haldið héraðsdómaranámskeið á Akureyri. Aðaláherslan verður lögð á hagnýta dómgæslu, svo sem staðsetningar, samvinnu, bendingar og fleira.
8. apríl 2009
Knattspyrnusamband Íslands sendir öllum landsmönnum sínar bestu óskir um gleðilega páska. Vonum að vel fari um alla yfir hátíðirnar hvort sem er í starfi eða leik.
8. apríl 2009
Á nýjum styrkleikalista FIFA sem gefinn var út í morgun, fellur karlalandslið Íslands niður um 18 sæti á listanum. Ísland er nú í 93. sæti listans en Spánverjar eru sem fyrr í efsta sæti listans og eru ósigraðir í 31 landsleik í röð.
7. apríl 2009
Knattspyrnusamband Íslands tekur skýra afstöðu gegn allri misnotkun lyfja/efna og notkunar á bönnuðum aðferðum sem stuðla eiga að bættum árangri í íþróttum. Hér á heimasíðunni má finna leiðbeiningar til knattspyrnufólks er varða lyfjamál.
7. apríl 2009
Fyrsti fræðslufundurinn í fræðslufundaröð KSÍ 2009 verður haldinn þriðjudaginn 14. apríl. Umfjöllunarefnin eru þjónusta við fjölmiðla, öryggismál á leikvöngum, viðburðastjórnun og samstarfssamningar við fyrirtæki.
7. apríl 2009
Helgina 24.-26. apríl mun Knattspyrnusamband Íslands standa fyrir 5. stigs þjálfaranámskeiði í höfuðstöðvum KSÍ. Þátttökurétt hafa þeir þjálfarar sem eru með KSÍ B þjálfaragráðu og fengu a.m.k. 70 af 100 í KSÍ B prófinu (UEFA B prófinu).
7. apríl 2009
Sigurður Ragnar Eyjólfsson, landsliðsþjálfari, verður á ferðinni í Svíþjóð nú um páskana. Mun hann fylgjast með leik Kristianstads og Djurgården í efstu deild kvenna en sá leikur fer fram nú á mánudaginn.
7. apríl 2009
Knattspyrnusambönd Íslands og Skotlands hafa komist að samkomulagi um að U19 karlalandsliðs þjóðanna mætist í tveimur vináttulandsleikjum. Leikirnir munu fara fram dagana 7. og 9. september og verður leikið í Skotlandi.
7. apríl 2009
Sunnudaginn 19. apríl munu Knattspyrnusamband Íslands og Alþjóðaknattspyrnusambandið (FIFA) standa saman að námskeiði sem haldið verður í Glerárskóla og Boganum á Akureyri.
7. apríl 2009
Norðurlandamót U17 karla fer fram að þessu sinni í Þrándheimi í Noregi og hefst 28. júlí. Ísland er í riðli með Finnum, Skotum og Svíum og verður fyrsti leikur íslenska liðsins gegn Skotum, þriðjudaginn 28. júlí.
7. apríl 2009
Laugardaginn 18. apríl munu Knattspyrnusamband Íslands og Alþjóðaknattspyrnusambandið (FIFA) standa saman að námskeiði sem haldið verður í Kórnum í Kópavogi.
