Valmynd
Valmynd
18. nóvember 2008
Í dag var dregið í riðlakeppni EM 2010 hjá U17 og U19 kvenna. Landslið U17 kvenna dróst í riðil með Þýskalandi, Frakklandi og Ísrael. Ákveðið hefur verið að þessi riðill verði leikinn hér á landi.2009. Riðill U19 kvenna verður leikinn í Portúgal.
18. nóvember 2008
"Þetta er fyrst og fremst frábær áskorun sem að bíður íslenskra landsliðskvenna. Ég er viss um að allar okkar fremstu knattspyrnukonur muni leggja sig allar fram til að fá að taka þátt í þessu verkefni" sagði Sigurður Ragnar Eyjólfsson.
17. nóvember 2008
Þriðjudaginn 18. nóvember verður dregið í riðla í úrslitakeppni EM kvenna sem fram fer í Finnlandi á næsta ári. Tólf þjóðir eru í pottinum og eru Íslendingar í þriðja styrkleikaflokki en þar eru þær þjóðir er tryggðu sér þátttökurétt í gegnum umspil. Hægt verður að fylgjast með drættinum á www.uefa.com.
17. nóvember 2008
Unglingadómaranámskeið hjá Víkingi í Víkinni verður haldið þriðjudaginn 18. nóvember kl. 20:00. Námskeiðið er öllum opið sem náð hafa 15 ára aldri. Námskeiðið er ókeypis. Skráning er hafin hjá magnus@ksi.is.
17. nóvember 2008
Dagana 3.-6. nóvember fór ellefu manna hópur frá Íslandi til Sviss til að kynna sér þjálfun afreks ungmenna. Með í för voru níu þjálfarar, einn túlkur og einn starfsmaður KSÍ. Ferðin er hluti af svokölluðu UEFA Study Group Scheme.
14. nóvember 2008
Ljóst er að aldrei hafa landslið Íslands leikið fleiri landsleiki heldur en á þessu ári sem senn tekur enda. Öll landslið Íslands hafa leikið 64 landsleiki það sem af er árinu og á eftir að spila þann 65. en það er vináttulandsleikur Möltu og Íslands.
14. nóvember 2008
100 leikmenn léku landsleiki með yngri landsliðum karla á árinu sem er að líða. Nokkrir leikmenn léku með tveimur landsliðum á árinu og eru þetta 100 leikmenn sem léku með þessum 3 liðum á árinu og koma þeir úr 24 íslenskum félögum
14. nóvember 2008
Samkvæmt Leyfishandbók KSÍ hefur þeim félögum sem hyggjast sækja um þátttökuleyfi í Landsbankadeild karla og 1. deild karla 2009 verið sendar nauðsynlegar upplýsingar, áður en vinna við Leyfisumsókn hefst.
14. nóvember 2008
Ólafur Jóhannesson, landsliðsþjálfari, hefur gert breytingu á landsliðshóp sínum er mætir Möltu í vináttulandsleik þann 19. nóvember næstkomandi. Davíð Þór Viðarsson úr FH kemur inn í hópinn í stað Hallgríms Jónassonar sem er meiddur.
14. nóvember 2008
Á dögunum var haldin ráðstefna á vegum Special Olympics á Kýpur en ráðstefnan var haldin í tengslum við Smáþjóðaleika Special Olypics í knattspyrnu. Guðlaugur Gunnarsson sótti ráðstefnuna fyrir hönd Íþróttasambands Fatlaðra.
13. nóvember 2008
Ólafur Jóhannesson, landsliðsþjálfari karla, hefur gert eina breytingu á landsliðshóp sínum fyrir vináttulandsleikinn gegn Möltu þann 19. nóvember næstkomandi. Eggert Gunnþór Jónsson úr Hearts kemur inn í hópinn í stað Grétars Rafns Steinssonar.
12. nóvember 2008
Áfrýjunardómstóll KSÍ hefur tekið fyrir áfrýjun í máli Tindastóls gegn ÍH vegna leiks félaganna í 2. deild karla fyrr á þessu ári. Áfrýjunardómstóllinn staðfestir hinn áfrýjaða úrskurð.
12. nóvember 2008
Íslenska karlalandsliðið fer upp um 21 sæti á nýjum styrkleikalista FIFA er birtur var í dag. Ísland er nú í 82. sæti listans en Spánverjar tróna á toppi listans sem fyrr og Þjóðverjar koma þar á eftir.
11. nóvember 2008
Ólafur Jóhannesson, landsliðsþjálfari, tilkynnti í dag landsliðshópinn sem heldur til Möltu og leikur þar vináttulandsleik miðvikudaginn 19. nóvember. Einn nýliði er í hópnum að þessu sinni en það er Garðar Jóhannsson leikmaður með Fredrikstad í Noregi.
10. nóvember 2008
Þau Kristrún Lilja Daðadóttir og Ólafur Þór Guðbjörnsson, landsliðsþjálfarar U17 og U19 kvenna, hafa valið leikmenn til æfinga um komandi helgi. Æfingarnar fara fram í Kórnum og í Egilshöllinni og má sjá æfingahópana hér að neðan.
10. nóvember 2008
Fjögur þjálfaranámskeið eru framundan í nóvember. Helgina 14.-16. nóvember verður KSÍ II þjálfaranámskeið haldið í Reykjavík. Helgina 21.-23. nóvember verða tvö námskeið. Skráning á öll þessi námskeið er í fullum gangi.
7. nóvember 2008
Mótshaldarar EM kvenna 2009 sem fram fer í Finnlandi óska eftir sjálfboðaliðum til þess að starfa í kringum mótið. Leikið verður í fjórum borgum í Finnlandi, Helsinki, Lahti, Turku og Tampere. Mótið fer fram dagana 23. ágúst til 10. september.
7. nóvember 2008
Sporthúsið hefur ákveðið að gefa 40 manna æfingahópi A-landsliðs kvenna og starfsmönnum liðsins árskort í líkamsrækt. Katrín Jónsdóttir fyrirliði A-landsliðs kvenna veitti þessari gjöf móttöku í frá Þresti Jóni Sigurðssyni eiganda Sporthússins.
