Valmynd
Valmynd
10. september 2008
Ólafur Jóhannesson, landsliðsþjálfari, hefur tilkynnt byrjunarlið sitt er mætir Skotum í dag í fyrsta heimaleik liðsins í undankeppni HM 2010. Leikurinn hefst kl. 18:30 og verður í beinni útsendingu hjá Ríkissjónvarpinu.
10. september 2008
Strákarnir í U19 karla mæta Norður Írum ytra í vináttulandsleik í dag og hefst leikurinn kl. 10:00 að íslenskum tíma. Kristinn R. Jónsson, landsliðsþjálfari, hefur tilkynnt byrjunarliðið fyrir þennan leik.
10. september 2008
Leikur Íslands og Skotlands í undankeppni HM 2010 fer fram í kvöld á Laugardalsvelli og hefst kl. 18:30. Örfáir miðar eru eftir á leikinn en hægt er að kaupa miða á midi.is áfram í dag. Ef einhverjir miðar verða eftir hefst miðasala á Laugardalsvelli kl. 14:00.
10. september 2008
Ólafur Jóhannesson, landsliðsþjálfari, hefur valið markvörðinn Fjalar Þorgeirsson úr Fylki í landsliðshóp sinn gegn Skotum en leikurinn fer fram í dag kl. 18:30. Fjalar kemur í stað Stefáns Loga Magnússonar sem er meiddur.
9. september 2008
Heimasíðan hitti þá Kristján Örn Sigurðsson og Emil Hallfreðsson á æfingu í gær á Laugardalsvelli. Undirbúningur fyrir Skotaleikinn er í fullum gangi og mikil tilhlökkun hjá leikmönnum sem og stuðningsmönnum fyrir leikinn.
9. september 2008
Það var góð stemning yfir landsliðshópnum á æfingu í gær en undirbúningur fyrir leikinn gegn Skotum er nú í fullum gangi. Heimasíðan kíkti á æfinguna og hitti m.a. Ólaf Jóhannesson og Björn Ragnar Gunnarsson.
9. september 2008
Fyrir viðureign Íslands og Skotlands í undankeppni HM 2010 á miðvikudag verður gefin út leikskrá með ýmsum áhugaverðum og gagnlegum upplýsingum. Skellið ykkur á eintak af leikskránni og geymið sem minjagrip um leikinn!
9. september 2008
Boðið verður upp á andlitsmálun fyrir viðureign Íslands og Skotlands á miðvikudag á Laugardalsvelli. Leikurinn hefst kl. 18:30 og er um að gera að mæta tímanlega og láta mála íslenska fánann á sig!
9. september 2008
Védís Hervör Árnadóttir mun syngja þjóðsöngva Íslands og Skotlands fyrir viðureign þjóðanna í undankeppni HM 2010 á Laugardalsvelli á miðvikudag. Í hálfleik mun síðan Einar Ágúst leika nokkur lög til að halda uppi fjörinu.
9. september 2008
Strákarnir í U21 karla mæta Slóvökum í dag í undankeppni fyrir EM 2009 og er þetta lokaleikur liðsins í riðlinum. Leikurinn fer fram á Víkingsvelli og hefst kl. 17:00. Þessar þjóðir gerðu jafntefli í fyrri leik liðanna sem fram fór í Slóvakíu á síðasta ári
9. september 2008
Ólafur Þór Guðbjörnsson, landsliðsþjálfari U19 kvenna, hefur valið eftirtalda leikmenn á landsliðsæfingar U19 kvenna sem fram fara 14. september næstkomandi.
9. september 2008
Íslendingar léku við Slóvaka í undankeppni fyrir EM 2009 hjá U21 karla og var leikið á Víkingsvellinum í dag. Lokatölur urðu 1-1 og var staðan þannig í hálfleik. Það var Gylfi Þór Sigurðsson sem að skoraði mark Íslendinga.
8. september 2008
Kristinn R. Jónsson, landsliðsþjálfari U19 karla, hefur tilkynnt byrjunarlið sitt er mætir Norður Írum í vináttulandsleik í kvöld á Norður Írlandi. Þetta er fyrri leikur þjóðanna en annar leikur fer fram á miðvikudaginn.
7. september 2008
Luka Kostic, landsliðsþjálfari U21 karla, hefur gert tvær breytingar á hóp sínum er mætir Slóvakíu á þriðjudaginn. Þeir Hjálmar Þórarinsson úr Fram og Rafn Andri Haraldsson úr Þrótti koma inn í hópinn
6. september 2008
Íslenska landsliðið gerði jafntefli vð Norðmenn í dag í fyrsta leik liðsins í undankeppni HM 2010. Lokatölur urðu 2-2 eftir að staðan í hálfleik hafði verið 1-1. Það voru þeir Heiðar Helguson og Eiður Smári Guðjohnsen sem skoruðu mörk Íslands í leiknum. Skotar mæta á Laugardalsvöllinn á miðvikudaginn og eru enn til miðar á þann leik.
6. september 2008
Ólafur Jóhannesson, landsliðsþjálfari, hefur tilkynnt byrjunarlið sitt er mætir Norðmönnum í dag í fyrsta leik liðsins í undankeppni HM 2010. Leikurinn hefst kl. 17:00 að íslenskum tíma og verður í beinni útsendingu á Stöð 2 Sport.
5. september 2008
Strákarnir í U21 karla biðu lægri hlut gegn Austurríki í undankeppni U21 karla fyrir EM 2009 en leikið var í Austurríki. Lokatölur urðu 1-0 fyrir heimamenn en þeir komust yfir eftir 5 mínútna leik.
5. september 2008
Íslenska kvennalandsliðið er í 18. sæti á nýjum styrkleikalista kvenna sem FIFA birti í dag. Stendur íslenska liðið í stað frá því á síðasta lista. Bandaríkin tróna á toppnum en Þjóðverjar eru í öðru sæti.
