Valmynd
Valmynd
22. september 2007
Kristrún Lilja Daðadóttir, landsliðsþjálfari U17 kvenna, hefur tilkynnt byrjunarlið sitt er mætir Úkraínu í riðlakeppni EM í dag. Með sigri eða jafntefli tryggir íslenska liðið sig áfram í milliriðla EM.
20. september 2007
Þjálfaranámskeið KSÍ eru að hefjast. Það hefur jafnan verið mikil þátttaka á þjálfaranámskeiðum KSÍ og því best að skrá sig sem fyrst ef þið viljið vera viss um að fá pláss.
19. september 2007
Stelpurnar í U17 landsliðinu sigruðu sinn annan leik í riðlakeppni fyrir EM en riðillinn er leikinn í Slóveníu. Voru heimastúlkur lagðar að velli að þessu sinni með fimm mörkum gegn engu og gerði Dagný Brynjarsdóttir þrennu í leiknum.
19. september 2007
Kristrún Lilja Daðadóttir, landsliðsþjálfari U17 kvenna, hefur tilkynnt byrjunarlið sitt er mætir Slóveníu í riðlakeppni EM. Riðillinn er leikinn í Slóveníu en íslenska liðið sigraði Letta í fyrsta leik sínum, 7-1. Leikurinn í dag hefst kl. 14:30.
18. september 2007
Ólafur Þór Guðbjörnsson, landsliðsþjálfari U19 kvenna, hefur valið hópinn er heldur til Portúgal og leikur þar í riðlakeppni EM U19 kvenna. Mótherjar Íslands í riðlinum eru Rúmenía, Grikkland og Portúgal.
18. september 2007
Á sunnudaginn mættu landsliðskonurnar Katrín Jónsdóttir og Greta Mjöll Samúelsdóttir á fótboltaæfingu með fötluðum. Æfingin var liður í samstarfsverkefni Íþróttafélags Fatlaðra og Knattspyrnusambands Íslands.
17. september 2007
Íslenska U17 landslið kvenna leikur í dag sinn fyrsta leik í riðlakeppni fyrir EM en þetta er í fyrsta skiptið sem slík keppni er haldin í þessum aldursflokki. Leikið er gegn Lettum og hefur Kristrún Lilja Daðadóttir, landsliðsþjálfari, tilkynnt byrjunarliðið.
17. september 2007
Á miðvikudag mun fara fram víðtækt gæðamat á skipulagi leyfiskerfis KSÍ og því starfi sem unnið er við rekstur þess. Matið er framkvæmt árlega af fulltrúum SGS, sem er alþjóðlegt vottunarfyrirtæki.
17. september 2007
Lúkas Kostic, landsliðsþjálfari U17 landsliðs karla, hefur valið U17 landsliðshóp Íslands sem keppir í undankeppni Evrópumótsins í Serbíu 27. september – 2. október.
17. september 2007
Stelpurnar í U17 kvenna byrjuðu riðlakeppni Evrópumótsins af miklum krafti og lögðu Letta örugglega í fyrsta leik sínum. Lokatölur urðu 7-1 eftir að staðan í hálfleik hafði verið 5-0. Berglind Björg Þorvaldsdóttir gerði fimm mörk í leiknum.
13. september 2007
Knattspyrnusamband Íslands og Íþróttasamband Fatlaðra standa fyrir æfingu fyrir fatlaða næstkomandi sunnudag 16.september. Sérstakir gestir á þessari æfingu verða landsliðskonurnar Katrín Jónsdóttir og Greta Mjöll Samúelsdóttir.
12. september 2007
Miðasala á leik Íslands og Norður Írlands í riðlakeppni fyrir EM 2008 er nú í fullum gangi. Leikurinn fer fram á Laugardalsvelli í kvöld, miðvikudaginn 12. september og hefst kl. 18:05.
12. september 2007
Íslendingar unnu í kvöld ákaflega sætan sigur á Norður Írum í riðlakeppni EM 2008. Lokatölur urðu 2-1 Íslendingum í vil eftir að staðan hafði verið 1-0 í hálfleik fyrir Ísland. Ármann Smári Björnsson skoraði mark Íslendinga í fyrri hálfleik en sigurmarkið var sjálfsmark Norður Íra.
12. september 2007
Luka Kostic, landsliðsþjálfari U17 karla, hefur valið 37 leikmenn til úrtaksæfinga um komandi helgi. Æft verður laugardag og sunnudag og fara æfingar fram í Fífunni í Kópavogi.
12. september 2007
Byrjunarlið Íslands og Norður-Írlands fyrir viðureign liðanna í undankeppni EM 2008 á Laugardalsvelli í kvöld verða tilkynnt um það bil einni klukkustund fyrir leik. Jafnframt verða þau birt hér á vefnum þegar þau berast.
11. september 2007
Íslenska karlalandsliðið U21 lék í dag við Belga í undankeppni EM 2009. Markalaust jafntefli varð niðurstaðan í leiknum og eru Íslendingar því með 2 stig eftir 3 leiki í riðlinum.
11. september 2007
Boðið verður upp á andlitsmálun fyrir landsleik Íslands og Norður-Írlands á miðvikudag. Því er um að gera að mæta tímanlega og láta mála fánann á kinnina og ennið, jafnvel að láta mála allt andlitið til að vera sem flottastur!
11. september 2007
Leikskráin fyrir leikinn gegn Norður-Írum á miðvikudag telur 20 blaðsíður og inniheldur ýmsar áhugaverðar og gagnlegar upplýsingar. Leikskráin verður seld við innganginn á leikvanginn og kostar aðeins kr. 500.
