Áfrýjunardómstóll KSÍ hefur staðfest úrskurð aga- og úrskurðarnefndar í máli Fram gegn Grindavík/Njarðvík þess efnis að úrslit úr leik liðanna í Bestu deild kvenna sem fram fór 20. Ágúst sl. skulu standa óhögguð.

Málið snerist um túlkun á því hvaða viðurlög fylgdu því að gerast brotlegur við gr. 9.6.1 reglugerðar KSÍ um knattspyrnumót sem fjallar um aukin fjölda varamanna á leikskýrslu í Bestu deildum karla og kvenna og aðalkeppni Mjólkurbikarsins.

Áfrýjunardómstóll KSÍ staðfesti með dómi sínum brot Grindavíkur/Njarðvíkur en með vísan til atvika taldi dómurinn skilyrði ekki uppfyllt til að fallast á kröfu um breytt úrslit leiksins. Þá var kröfu um sektargreiðslu vísað frá dómi með vísan til þess að samkvæmt reglugerð KSÍ um knattspyrnumót sé það á hendi framkvæmdastjóra KSÍ að beita sektum vegna brota á gr. 9.6.1, sem varðar aukin fjölda varamanna á leikskýrslu.

Dómurinn