Í leik Álftaness og Léttis í Lengjubikar karla, sem fram fór þann 16. febrúar tefldi lið Léttis fram ólöglegum leikmanni.

Birkir Kjartansson spilaði með Létti í leiknum en var skráður í ÍR. Leikmaðurinn var ekki á leikskýrslu og lék því ólöglega. Af þessum sökum hefur Léttir verið sektað um 120.000 krónur. Úrslit leiksins standa óbreytt.

Í reglugerðum KSÍ um deildarbikarkeppni karla og kvenna, greinum 10.1 og 11.2 segir:
 
10. SEKTIR
Lið, sem mætir ólöglega skipað til leiks, skal sæta sekt að upphæð kr. 60.000 og að auki kr. 60.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000
 
11. STJÓRN KEPPNINNAR
11.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út.