Knattspyrnusamband Íslands birtir nú ársreikning sinn fyrir árið 2006.  Heildartekjur KSÍ samstæðunnar voru 516,5 milljónir kr. og heildargjöld voru 417,2 milljónir kr. Hagnaður varð því 99,3 milljónir kr. 

Í ljósi þess ákvað stjórn KSÍ að greiða sérstakt framlag til aðildarfélaga af hagnaði, alls 16,1 milljón kr.  Niðurstaða ársins varð því jákvæð sem nam 83,2 milljónir kr.

Rekstrarhagnaður af reglulegri starfsemi var 19,3 milljónir kr. Rekstrartekjur voru 377 milljónir kr. en rekstrargjöld 357,7 milljónir kr. Rekstrartekjur voru 7% umfram áætlun en rekstrargjöldin voru 2% umfram áætlun.

Eins og mörg undanfarin ár voru fjármunatekjur stór liður í afkomu KSÍ. Á árinu 2006 námu þær 103,8 milljónum kr. en fjármagnsgjöld voru 14,3 milljónir kr.

Þriðja árið í röð voru lagðir fjármunir í sparkvallagerð vítt og breitt um landið. Á árinu 2006 voru lagðir 12 vellir og þá hafa alls verið lagðir 76 vellir. Kostnaður við sparkvallaátakið er nú alls rúmlega 180 milljónir kr.

Afkoma KSÍ samstæðunnar er sú besta í sögu sambandsins og eigið fé hennar var í lok árs 2006 orðið 280,6 milljónir kr. Eins og fram hefur komið mun KSÍ verja 100 milljónum kr. af eigið fé í mannvirkjasjóð.

Ársreikningur

Ársskýrsla KSÍ 2006

Hér að neðan má sjá ársskýrslu KSÍ fyrir starfsárið 2006.

Ársskýrsla

Fjárhagsáætlun KSÍ fyrir 2007

Hér að neðan má sjá fjárhagsáætlun KSÍ fyrir starfsárið 2007.

Fjárhagsáætlun