Árlegar viðurkenningar KSÍ fyrir háttvísi og prúðmennsku til liða eru jafnan afhentar í aðdraganda ársþings. 

Drago-stytturnar eru veittar prúðustu liðunum í efstu deildum karla og kvenna (Bestu deildum) á grundvelli gulra og rauðra spjalda.

Breiðablik hlýtur Drago styttuna í Bestu deild kvenna, annað árið í röð. Í Bestu deild karla er það Fram sem hlýtur styttuna fyrir árið 2025.

Á myndinni eru Agla María Albertsdóttir frá Breiðablik, Þorvaldur Örlygsson formaður KSÍ og Kennie Chopart frá Fram.