Ýmsar árlegar viðurkenningar eru jafnan afhentar í aðdraganda ársþings KSÍ og á ársþinginu sjálfu eftir atvikum.

Dómaraverðlaunum KSÍ er skipt upp í tvo flokka: Fyrirmyndarfélag í dómaramálum og Hvatningarverðlaun í dómaramálum.

Fjölnir hlýtur hvatningarverðlaun í dómaramálum árið 2025.

Á árinu 2025 ákvað Fjölnir að fá fyrrverandi FIFA aðstoðardómarann Oddberg Eiríksson til að taka að sér starf dómarastjóra Fjölnis. Oddbergur hefur komið inn með miklum krafti og haldið vel utan um dómgæsluna hjá Fjölni. Fjölgun dómaranámskeiða hjá félaginu hafa skilað af sér fleiri virkum dómurum bæði karla og kvenna. 

Á myndinni eru Oddbergur Eiríksson frá Fjölni og Ingi Rafn Ingibergsson starfsmaður í dómaramálum hjá KSÍ