Framboð til stjórnar KSÍ skal samkvæmt 12. grein laga KSÍ berast skrifstofu sambandsins minnst hálfum mánuði fyrir þing.  Kjörnefnd er þó heimilt að samþykkja framboð sem fram kemur síðar.

Stjórn KSÍ er kosin á knattspyrnuþingi og skal kosning fara þannig fram:

1. Kosning formanns annað hvert ár til tveggja ára í senn.
2. Kosning 4ra manna í aðalstjórn til tveggja ára en fjórir menn ganga úr aðalstjórn á hverju ári.
3. Kosning 4ra manna frá landsfjórðungunum í stjórn til eins árs.
4. Kosning 3ja manna til vara í aðalstjórn til eins árs.
5. Kosning 4ra manna frá landsfjórðungunum til vara til eins árs.

Tveggja ára kjörtímabili formanns KSÍ lýkur á 60. ársþingi KSÍ 11. febrúar nk.:

Formaður

• Eggert Magnússon - Reykjavík

Tilkynning um framboð til formanns skal berast skrifstofu KSÍ skriflega eigi síðar en 28. janúar nk. Eggert Magnússon, formaður KSÍ, gefur kost á sér til endurkjörs.

Tveggja ára kjörtímabili eftirtaldra í aðalstjórn KSÍ lýkur á 60. ársþingi KSÍ 11. febrúar nk.:

Í aðalstjórn

• Jón Gunnlaugsson, ritari - Akranesi
• Ástráður Gunnarsson - Reykjanesbæ
• Ingibjörg Hinriksdóttir - Kópavogi
• Lúðvík S. Georgsson - Reykjavík

Tilkynning um framboð í aðalstjórn skal berast skrifstofu KSÍ skriflega eigi síðar en 28. janúar nk. Allir ofangreindir aðalstjórnarmenn gefa kost á sér til endurkjörs.

Auk ofangreindra sitja í aðalstjórn (Tveggja ára kjörtímabili þeirra lýkur í febrúar 2007)

• Halldór B. Jónsson, varaformaður - Reykjavík
• Eggert Steingrímsson, gjaldkeri - Reykjavík
• Ágúst Ingi Jónsson - Reykjavík
• Björn Friðþjófsson - Dalvík

Eins árs kjörtímabili aðalfulltrúa landsfjórðunganna lýkur á 60. ársþingi KSÍ 11. febrúar nk.:

Aðalfulltrúar landsfjórðunga

• Jakob Skúlason - Vesturland
• Ómar Bragi Stefánsson - Norðurland
• Guðmundur Ingvason - Austurland
• Einar Friðþjófsson - Suðurland

Tilkynning um framboð í aðalfulltrúa landsfjórðunga skal berast skrifstofu KSÍ skriflega eigi síðar en 28. janúar nk. Allir ofangreindir aðalfulltrúar landsfjórðunganna gefa kost á sér til endurkjörs.

Eins árs kjörtímabili varamanna í aðalstjórn lýkur á 60. ársþingi KSÍ 11. febrúar nk.:

Varamenn í aðalstjórn

• Jóhannes Ólafsson - Vestmannaeyjum
• Kjartan Daníelsson - Reykjavík
• Þórarinn Gunnarsson - Reykjavík      

Allir varamenn í aðalstjórn gefa kost á sér til endurkjörs.

Með tilkynningu um framboð er óskað eftir stuttri ferilskrá til birtingar á heimasíðu KSÍ.