80. ársþing KSÍ verður haldið á Hótel Valaskjálf á Egilsstöðum þann 28. febrúar 2026.  Þingið verður sett kl. 11:00 laugardaginn 28. febrúar 2026 og er gert ráð fyrir að því ljúki um kl. 15:00 sama dag.  

Málþing með yfirskriftinni “Fótbolti og ferðalög” verður haldið á Hótel Valaskjálf föstudaginn 27. febrúar þar sem megin umfjöllunarefnið verður ferðakostnaður félaga. Viðburðurinn hefst stundvíslega kl. 18:00 og áætlað er að hann standi til 19:00. 

Starfshópur hefur verið að störfum undir forystu Jóhanns Harðarsonar formanns Hattar og hefur hópurinn unnið að því að taka saman og greina gögn vegna ferðakostnaðar félaga.  Á málþinginu munu meðlimir hópsins hafa framsögu og fara yfir þá vinnu og jafnframt taka raundæmi um ferðakostnað félaga.

Þá mun Jón Björn Hákonarson forseti bæjarstjórnar í Fjarðabyggð og formaður Sambands íslenskra sveitarfélaga (SÍS) vera með erindi um stuðning sveitarfélaga við íþróttir og tómstundir.

Að loknum erindum verður opnað fyrir umræður og eru félög hvött til að mæta og láta í sér heyra.