Valmynd
Valmynd
69. ársþing KSÍ verður haldið á Hilton Reykjavík Nordica, 14. febrúar nk. Sambandsaðilar eru beðnir um að kynna sér eftirfarandi upplýsingar og gögn:
1. Tillögur
Hjálagt fylgja tillögur sem KSÍ hefur borist og teknar verða til afgreiðslu á ársþinginu. Tillögurnar eru sendar bæði til héraðssambanda og íþróttabandalaga sem og til allra félaga sem hafa verið þátttakendur í knattspyrnumótum á vegum KSÍ sl. ár. Þess er vænst að tillögunum sé komið sem fyrst til væntanlegra þingfulltrúa, þannig að þeir hafi tök á að kynna sér þær vel áður en á ársþing er komið.
7. Tillaga til ályktunar - Aldursflokkaskipting 2. flokkur kvenna
8. Tillaga til ályktunar - Stúlkur með drengjum í 3. flokki
9. Tillaga til ályktunar - Ferðaþátttökugjald
10. Tillaga til ályktunar - Aðskilnaður spjalda í deild og bikar
11. Tillaga til ályktunar - Aga- og úrskurðarmál/Áfrýjunardómstóll
12. Tillaga til ályktunar - Heimaaldir leikmenn
13. Tillaga til ályktunar - Frumvarp á Alþingi um virðisaukaskatt
14. Niðurstaða starfshóps um félagaskipti og samning
2. Kjörbréf
Hjálagt er kjörbréf til héraðssambanda og íþróttabandalaga og er þess óskað að þau verði fyllt út með nöfnum fulltrúa og varafulltrúa og afrit faxað til KSÍ í síðasta lagi 10. febrúar nk. Óskað er eftir að allir aðilar tryggi að svo verði gert. Upplýsingar um fjölda fulltrúa er hér að neðan
3. Dagskrá
Þingið verður sett kl. 11:00 laugardaginn 14. febrúar og gert er ráð fyrir að því ljúki um kl. 16:00 sama dag. Öllum þingfulltrúum er hér með boðið til sameiginlegs kvöldverðar og skemmtunar sem hefst kl. 19:00 í Hótel Nordica. Á undan verður boðið upp á fordrykk frá kl. 18:00 á sama stað. (Þingfulltrúum er boðið til kvöldverðar en félög geta keypt takmarkaðan fjölda miða fyrir fleiri gesti - hafið samband við Ragnheiði 510-2905, ragnheidur@ksi.is).
4. Skuldir
Hjálagt er yfirlit yfir fjárhagslega stöðu aðildarfélagsins gagnvart KSÍ miðað við 31. des. sl. Þau félög sem skulda eru beðin um að greiða skuldina eða semja um greiðslu hennar fyrir 10. febrúar nk. því eins og fram kemur í lögum KSÍ, geta þau félög sem skulda KSÍ ekki átt fulltrúa á ársþingi.
