Gylfi Þór Orrason verður dómaraeftirlitsmaður á viðureign Lundúnaliðsins Arsenal og Sporting frá Lissabon í Meistaradeild karla á miðvikudag.  Þetta er stórt verkefni fyrir Gylfa, sem er afar reynslumikill á þessu sviði, og ánægjulegt að sjá fulltrúa íslenskrar knattspyrnu með mikilvægt hlutverk þegar svona langt er komið í UEFA-móti félagsliða. 

Um er að ræða seinni leik liðanna, en Arsenal leiðir viðureignina eftir eins marks sigur í fyrri leiknum.  Dómarakvartett leiksins kemur frá Frakklandi og VAR-dómararnir frá Þýskalandi og Belgíu.

Meistaradeild UEFA (karlar)

London (Emirates Stadium)

Arsenal FC (ENG) - Sporting CP (POR) 

• Dómari: François Letexier FRA 
• Aðstoðardómari 1: Cyril Mugnier FRA
• Aðstoðardómari 2: Mehdi Rahmouni FRA
• 4. dómari: Stéphanie Frappart FRA
• VAR dómari: Bastian Dankert GER
• Aðstoðar VAR dómari: Bram Van Driessche BEL
• Dómaraeftirlitsmaður: Gylfi Þór Orrason ISL
• Eftirlitsmaður: Angelo Chetcuti MLT