Íslenskir dómarar verða við störf erlendis í vikunni í bæði Meistaradeild kvenna og Sambandsdeild karla.

Bríet Bragadóttir verður dómari og Tijana Krstić verður aðstoðardómari í Meistaradeild kvenna þann 25. júlí. Leikurinn verður á milli tapliðanna úr einvígi Neftci og Buducnost annars vegar og PAOK og Hapoel Jerusalem hins vegar. Leikið er í Veria á Grikklandi.

Þann 23. júlí verða íslenskir dómarar í leik Liepaja gegn Austria Wien í Sambandsdeildinni. Helgi Mikael Jónasson verður með flautuna og honum til aðstoðar verða Egill Guðvarður Guðlaugsson og Eysteinn Hrafnkelsson. Jóhann Ingi Jónsson verður fjórði dómari. Sama dag mætast Aluminij og Dinamo City einnig í Sambandsdeildinni. Ívar Orri Kristjánsson verðu dómari leiksins og aðstoðardómarar verða þeir Birkir Sigurðarson og Gylfi Már Sigurðsson. Þórður Þorsteinsson Þórðarson verður fjórði dómari.

Tveir íslenskir eftirlitsmenn verða einnig við störf í Evrópu. Þóroddur Hjaltalín verður eftirlitsmaður á leik Panevezys og Tobol í Sambandsdeildinni og Gylfi Þór Orrason verður eftirlitsmaður á leik Vaduz gegn Atletic Escaldes. Báðir leikirnir fara fram 23. júlí.