Landsdómarar hjá KSÍ gengust á dögunum undir seinna þrekpróf tímabilsins 2026. 

Landsdómarar eru þeir dómarar sem sjá um dómgæslu í Bestu deildum karla og kvenna, Lengjudeild karla og 2. deild karla. Landsdómarar eru einnig aðstoðardómarar í Bestu deild karla og aðstoðardómari eitt í Lengjudeild karla. Hópur landsdómara telur 58 dómara og aðstoðardómara.

Prófið samanstendur af sprettum og interval hlaupum og er það gefið út af UEFA. Mælingarnar voru gerðar í samstarfi við Háskólann í Reykjavík.

Dómarar í efstu deild taka tvo 40 metra spretti og þurfa þeir að ná þeim á undir 6 sekúndum. Að loknum sprettum er farið í interval hlaupið. Hlaupnir eru 75 metrar á 15 sekúndum með 25 metra göngu á 18 sekúndum á milli hlaupa og er þetta gert 40 sinnum. 

Niðurstöður prófanna voru góðar og má því segja að dómararnir komi vel undan álagi sumarsins.