Knattspyrnusamband Íslands heldur 6. stigs þjálfaranámskeið í Wokefield Park, Englandi dagana 30. janúar til 6. febrúar 2012.  Reiknað er með að fleiri þjálfarar sæki um námskeiðið en hægt er að taka inn.  Umsækjendur þurfa því að fylla út umsóknareyðublað.  Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður í október á þessu ári.

Í viðhengi hér neðst er umsókn að KSÍ VI þjálfaranámskeiðinu, stigalistinn, dagskrá síðasta KSÍ VI námskeiðs og upplýsingar um Wokefield Park.

KSÍ vekur athygli á því að síðasti dagur til að skila inn umsókninni er 17. október næstkomandi, en auðvitað má skila umsóknum fyrr.

Áætlað verð er það sama og síðast, 250.000 kr.

Hægt verður að skipta greiðslunni niður eftir nánara samkomulagi við Pálma Jónsson fjármálastjóra KSÍ.

Fræðslunefnd KSÍ stefnir á að taka inn 24 þjálfara á námskeiðið, eftir fjölda og hæfni umsækjenda.

Á námskeiðinu er 100% mætingarskylda og það er bæði bóklegt og verklegt.  Þátttakendur þurfa að taka þátt í verklegum tímum.

KSÍ VI þjálfaranámskeiðið er hluti af UEFA A þjálfaragráðu.  Flesta dagana verður námskeiðið haldið í Wokefield Park.  Einum degi verður varið til heimsóknar í klúbb í ensku úrvalsdeildinni eða Championship deildinni þar sem skoðuð verður knattspyrnuakademía.  Einum degi verður varið í leikgreiningu á leik í ensku úrvalsdeildinni. 

Á námskeiðinu kenna kennarar frá KSÍ og erlendir fyrirlesarar, væntanlega frá enska knattspyrnusambandinu.  Hluti námskeiðsins fer fram á ensku.

Skriflegt próf verður haldið 2-3 vikum eftir KSÍ VI námskeiðið.  Prófað verður úr námsefni KSÍ V og VI.

Dagskrá námskeiðsins er í vinnslu og verður gefin út þegar nær dregur.  Í viðhengi hér að neðan er dagskrá KSÍ VI þjálfaranámskeiðsins sem haldið var í janúar 2011.

Allar nánari upplýsingar um námskeiðið veitir Dagur Sveinn Dagbjartsson (dagur@ksi.is) og Sigurður Ragnar Eyjólfsson (siggi@ksi.is).

Fylgigögn