KÞÍ og KSÍ standa fyrir árlegri ráðstefnu í tilefni úrslitaleiks í Borgunarbikarkeppni karla þann 18. ágúst, næsta laugardag.  Úrslitaleikurinn, sem er milli KR og Stjörnunnar, fer vitanlega fram á Laugardalsvelli og verður ráðstefnan haldin í höfuðstöðvum KSÍ.

Dagskrá

• 10:00 Sigurður Þórir Þorsteinsson formaður KÞÍ setur ráðstefnuna
• 10:10 Gunnar Guðmundsson þjálfari U17 ára landsliðs drengja fjallar um frábæran árangur liðsins sem komst í lokakeppni Evrópumótsins í Slóveníu í maí. 
• 11:00 Lars Lagerback þjálfari A-landsliðs karla fjallar um vinnu sína með A-landslið karla og svarar spurningum úr sal
• 12:10 Léttar veitingar
• 12:40 Heimir Hallgrímsson aðstoðarþjálfari A-landsliðs karla fjallar um liðin sem leika til úrslita og spáir í leik dagsins.
• 16:00 Úrslitaleikur Borgunarbikars karla Stjarnan - KR.

Von er á fulltrúum liðanna sem leika til úrslita í heimsókn og munu þeir fræða gesti um hvað þeirra lið ætla að gera til að vinna leikinn og verða Borgunarbikarmeistarar 2012.

Þjálfarar með KSÍ-B og KSÍ-A þjálfaragráðu fá 4 endurmenntunarstig fyrir fulla viðveru á ráðstefnunni.

Verð á ráðstefnuna er 3.000 kr fyrir meðlimi KÞÍ og 5.000 kr fyrir aðra.  Ráðstefnan er opin öllum.

Skráning er hafin á tölvupósti:   kthi@kthi.is    Taka skal fram nafn og kennitölu við skráningu.

Ráðstefna KÞÍ og KSÍ í tengslum við úrslitaleik í Borgunarbikarkeppni kvenna fer fram laugardaginn 25. ágúst og nánari dagskrá þeirrar ráðstefnu verður send út í næstu viku.