KSÍ hefur haldið reglulega fræðsluviðburði fyrir nýtt mótakerfi, COMET, þar sem félög og starfsmenn þeirra hafa fengið kynningu og kennslu á viðmóti þess.

Fyrsti fræðsluviðburðurinn var haldinn 15. Janúar og hafa alls verið haldnir tólf viðburðir á fyrstu þremur vikum verkefnisins.

Mæting á viðburðina hefur verið góð, en þeir hafa verið haldnir í höfuðstöðvum KSÍ. Starfsmenn KSÍ hafa einnig farið út í félögin með kynningar og kennslu.

Í dag hafa alls 83 mætt á þessa 12 viðburði sem hafa verið haldnir og hafa einstaklingar frá 30 félögum mætt á þá.

Á öllum fræðsluviðburðum hefur verið boðið upp á stutta kynningu á grunnvirkni kerfisins ásamt stuttum kynningum á 2-3 atriðum (leikmannalistar, notendastýring, yfirnotendur, leikskýrslur, skipulag liða undir félögum o.fl.). 

Fleiri viðburðir verða haldnir á næstu dögum og vikum, hvort sem þeir verða í höfuðstöðvum KSÍ eða hjá félögunum sjálfum. Stefnt er að því að halda þessum fræðsluviðburðum amk gangandi út febrúar.