Bergið og KSÍ í samstarfi við UEFA munu þann 21. febrúar bjóða upp á fyrirlestur, fyrir stelpur í 2. og 3. flokki, þar sem farið verður yfir líðan, tilfinningar og unglingsárin í tengslum við íþróttir. Bergið mun sjá um fræðslu um tilfinningar og hvernig er gott að bregðast við og nýtar sér mismunandi tilfinningar. Telma Hjaltalín Þrastardóttir, sjúkraþjálfari og fyrrum fótboltakona, mun halda fyrirlestur um meiðsli og hvernig við tæklum tilfinningar í tengslum við meiðsli og endurkomu á völlinn.

Viðburðurinn verður haldinn á 3. hæð í höfuðstöðvum KSÍ á Laugardalsvelli. Hann hefst klukkan 11:00 og áætlað að honum ljúki um klukkan 13:30. Boðið verður upp á hádegismat.

Að fyrirlestri loknum verður happdrætti með glæsilegum vinningum.
Skráningu lýkur þann 17. febrúar.

Sama fræðsla var haldin þann 24. janúar þegar 45 stelpur mættu.

Skráning fer fram hér: Tæklum tilfinningar og tæklum meiðsli - Stelpur 15-18 ára

Einnig verður farið með viðburðinn á Vestfirði, Norðurland og Austurland og verður það auglýst síðar.