Verkefninu Komdu í fótbolta með Mola, sem er á vegum KSÍ og Landsbankans, er lokið þetta sumarið!
Markmið verkefnisins er að heimsækja minni staði í kringum landið og bjóða upp á fótboltaæfingu.
Moli heimsótti 43 staði og hitti þar um 800 krakka á aldrinum 4-14 ára.
Heimsóknirnar voru eins ólíkar og þær voru margar. Stundum mættu tvö börn á æfingu og stundum 55 en allar voru heimsóknirnar jafn mikilvægar og skemmtilegar.
Var þetta áttunda sumarið í röð sem Moli ferðaðist um landið með verkefnið Komdu í fótbolta!
