Verkefnið Komdu í fótbolta með Mola er farið af stað, áttunda sumarið í röð. Landsbankinn styður þétt við bakið á Molaverkefninu eins og undanfarin ár.

Siguróli Kristjánsson, betur þekktur sem Moli, hefur umsjón með verkefninu. Moli ferðast um landið og heimsækir minni staði með það að markmiði að auka áhuga á fótbolta og heilbrigðu líferni. Með verkefninu vilja KSÍ og Landsbankinn einnig koma með fótboltann til krakkanna þar sem á sumum stöðum þurfa krakkar að fá akstur úr sínum heimabæ til að mæta á fótboltaæfingu.

Fyrsta vika verkefnisins í sumar er að klárast. Moli byrjaði ferðalag sitt á Suðurlandi þann 2. júní þegar hann heimsótti Hvolsvöll, Hellu, Vík í Mýrdal og Kirkjubæjarklaustur. Því næst keyrði hann á Austfirði þar sem hann heimsækir bæði Fjarðabyggð og Múlaþing.

Myndin með fréttinni var tekin á Hellu.