Verslun
Leit
Öspin(414)
Fræðsla

Opið er fyrir umsóknir í Hvatasjóð.

Hvatasjóður íþróttahreyfingarinnar er nýr sjóður á vegum ÍSÍ og UMFÍ með stuðningi mennta- og barnamálaráðuneytis. Sjóðurinn styrkir verkefni sem miða að útbreiðslu íþrótta og aukinni þátttöku barna í íþróttum með áherslu á þátttöku barna með fötlun, af tekjulægri heimilum og með fjölbreyttan tungumála og menningarbakgrunn.

Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna. Sérstök áhersla er á verkefni sem tengjast börnum með fatlanir, börnum frá tekjulægri heimilum og börnum með fjölbreyttan menningar- og tungumálabakgrunn.

Í Hvatasjóðinn geta sótt íþróttahéruð ÍSÍ og UMFÍ, íþróttafélög og deildir innan ÍSÍ og UMFÍ, sérsambönd í samstarfi við Íþróttahéruð, félög eða deildir félaga.

Sjóðurinn veitir styrki til verkefna sem:

  • auka útbreiðslu og þátttöku barna í íþróttum
  • efla þátttöku barna með fötlun
  • efla þátttöku barna frá tekjulægri heimilum
  • efla þátttöku barna með fjölbreyttan tungumála- og menningarbakgrunn

Umsóknarferli

Umsóknir eru sendar inn í gegnum rafræna gátt.

  1. Smelltu á hnappinn hér fyrir ofan til þess að opna umsóknargátt. 
  2. Fylltu út rafrænt umsóknareyðublað.
  3. Sendu umsókn.

Í umsókn skal meðal annars tilgreina:

  • Lýsingu á verkefninu og markmiðum þess.
  • Rökstuðning fyrir áhrifum verkefnisins á viðkomandi svæði.
  • Tíma- og verkáætlun.
  • Fjárhagsáætlun verkefnisins.

Úthlutað er úr sjóðum að hámarki fjórum sinnum á ári.

 

Hér má lesa nánar um Hvatasjóðinn og sækja um styrk.