Af vef ÍSÍ:

Minnt er á að opið er fyrir umsóknir í Hvatasjóð íþróttahreyfingarinnar. Umsóknarfrestur rennur út á miðnætti 20. maí næstkomandi.

Hvatasjóðurinn styrkir verkefni sem stuðla að útbreiðslu íþróttastarfs og þátttöku allra barna, með sérstakri áherslu á börn með fatlanir, frá tekjulægri heimilum og með fjölbreyttan menningar- og tungumálabakgrunn.

Rétt til að sækja um styrki hafa:

• íþróttahéruð innan ÍSÍ og UMFÍ,
• íþróttafélög og deildir þeirra og
• sérsambönd í samstarfi við hérað, félög eða deildir.

Þetta er í annað skiptið á árinu sem hægt er að sækja um styrki úr sjóðnum.

Hvatasjóðurinn er nýr sjóður á vegum ÍSÍ og UMFÍ með stuðningi frá mennta- og barnamálaráðuneyti.

Allar upplýsingar og umsóknarform má finna hér.